ရေး – ဇော်သက်အောင်
မနက်ဖြန် စက်တင်ဘာ ၃၀ ဆိုရင် ကျွန်တော်တို့ မြန်မာ ဝီကီပီးဒီးယားအတွက် ဘန်ကောက်မှာ ပထမဆုံးအကြိမ် ဆုံခဲ့ကြတာ ၉ နှစ်ပြည့်ပြီ။
အဲဒီတုန်းက ယူနီကုဒ်နဲ့ ရေးတဲ့ မြန်မာဝီကီ နဲ့ ဇော်ဂျီနဲ့ ရေးတဲ့ ဝီကီမြန်မာ ဆိုပြီး နှစ်ခု ကွဲနေတယ်။ အများအားဖြင့် ကျွန်တော် တစ်ယောက်တည်းပဲ မြန်မာဝီကီမှာ ပင်တိုင်ရေးနေတာ။ ကျန်တဲ့ သူတွေက ဝီကီမြန်မာမှာပဲ ဇော်ဂျီနဲ့တွယ်နေကြတာ။ ယူနီကုဒ်နဲ့ မြန်မာဝီကီမှာ ကျွန်တော် ရေးတာအပြင် တခြား ပြင်ဆင်တာဆိုလို့ ဝီကီက အော်တို အလုပ်လုပ်နေတဲ့ ဘော့ လို့ခေါ်တဲ့ ပရိုဂရမ်တွေပဲ ရှိတယ်။ အဲဒါကြောင့် ဝီကီမြန်မာဘက်က လူတွေက ကျွန်တော့်ကို ကိုဇော်သက်နှင့် ဘော့များသာ ရေးနေသော မြန်မာဝီကီဆိုပြီး စ ကြတယ်။
အဲဒီတုန်းက ဝီကီပီးဒီးယား ရေးနေတဲ့ သူတွေထဲက လာကြတာ ကျွန်တော်၊ ကိုမောင်ဆန်း၊ ကိုမေယာ (ကိုမြတ်သွင်)၊ ကိုသင်ကာ၊ ကိုမင်းသိမ်း (ကိုဒင်္ဂါး ခေါ် လဂွန်းအိမ်)နဲ့ မင်းယွန်းသစ် (ဘုန်းမြင့်ခိုင်)။ သတင်းစာဆရာ အနေနဲ့ လာကြတာ ကိုမြင့်ကျော်နဲ့ ကိုဟန်ဇော်၊ ယူနီကုဒ်အတွက် လာကြတာ ကိုငွေထွန်း၊ ကိုဇော်ထွဋ်၊ ကိုရာဗီ၊ ကိုအောင်ကျော်မျိုး (မဇ္ဈိမ BIT Font)၊ Keith Stribley (ပိတောက်ဖောင့်) နဲ့ Michael Everson။ ဝီကီမီဒီယာ ဖောင်ဒေးရှင်း ကိုယ်စားပြုလာတာက ဂျရတ်။