အာဏာကြောင့်ပျက်တဲ့ ပညာရေး

‘ချေ့မှာ ညက်နှာ ချူပုပ်ပြီး တနေ့ယုံး ထိုင်နေတယ်’

အမေက ကုန်စုံဆိုင်လေး ဖွင့်ထားသည်။ အမေ့ဆိုင် မျက်စောင်းထိုးမှာ ကျောင်းသား ရာချီရှိသည့် ဘုန်းတော်ကြီးသင် ပညာရေးကျောင်း ရှိသည်။

ကလေးတွေက ကျောင်းမသွားခင်ဖြစ်စေ၊ ကျောင်းအသွားတွင် ဖြစ်စေ မုန့်၊ ဗလာစာအုပ်၊ ခဲဖျက်၊ ပေတံ သူတို့လိုတာ ဝင်ဝယ်သည်။ ကျနော်က အမေ့ဘေးက ထိုင်ပြီး လာသမျှ ကလေးတွေကို ဟိုတခွန်း ဒီတခွန်း တီးခေါက်မေးသည် (ဝါ) အင်တာဗျူးသည်။

(၁)

ကလေးလက်ဆွဲပြီး ကလေးအမေက ‘ဗလာစာအုပ် နှစ်အုပ်’ တဲ့။ အိမ်မှာ မူကြိုဖွင့်ထားသည့် ကျနော့် ညီမက ‘ကျောင်းက ဆရာမက ဝယ်ခိုင်းလိုက်တာလား’ ဟု လှမ်းမေးသည်။

ဟုတ်တယ် ဆိုတော့ ကျောင်းအထာ နားလည်သည့် ညီမဖြစ်သူက ကလေးကိုကြည့်ပြီး ‘ဗလာစာအုပ် နှစ်အုပ်လို့ မှာလိုက်ရင် မျဉ်းပါတာ တအုပ်၊ လက်ရေးလှ တအုပ် ဝယ်ရတယ်’ ကူညီ အကြံပေးသည်။ ကလေးအမေကလည်း ‘ကျမလည်း နားမလည်ပါဘူးရှင်’ ဟု ပြောသည်။

စစ်အုပ်ချုပ်ရေးအောက်က ပညာရေး

ကျနော့်ရဲ့ သီးသန့်အမြင် ပြောရရင် ကလေးတွေ ကျောင်းတက်စေချင်ပါတယ်။

အင်တာနေရှင် စကူး၊ ပရိုက်ဗိတ် စကူး ဆိုတာတွေက ကလေး ၁၀၀ မှာ ၅ ယောက်တောင် အရင်ကတည်း အနားမကပ်နိုင်တဲ့ ကျောင်းအပ် ဈေးနှုန်းတွေပါ။

ကိုယ့်ပတ်ဝန်းကျင်မှာ မြင်နေရသလောက် ကလေးတွေက အသက်က နှစ်တိုးပြီး ကြီးလာ၊ အသက်နဲ့ မျှတဲ့ အမြှောက်အလီ၊ အင်္ဂလိပ်စာ၊ မြန်မာစာက မတတ်။

အချိန်ရှိသရွေ့ ဖုန်းပွတ်ပြီး ဟိုဟာပွတ်၊ ဒီဟာပွတ်၊ ကိုရီးယားသီးချင်း အော်ဆိုလိုက်၊ ထိုင်းသီချင်းဆိုလိုက်၊ ဂိမ်းဆော့လိုက်။ ဆိုနေတဲ့သီချင်း ဘာအဓိပ္ပာယ်တုန်းဆိုတော့လည်း ဆိုတာသာ ဖြူးနေတာ အနက်အဓိပ္ပာယ်ကျ မသိ။ ကြီးပေါလေးတွေဖြစ်။

မိဘတွေကလည်း ငြိမ်နေရင်ပြီးရော မိုဘိုင်းဖုန်းပေးထား။ မိဘကိုယ်တိုင်ကလည်း စာက မသင်နိုင်။ (ကျနော့် တူမတွေကတော့ သူ့အမေက စာသင်တတ်လို့ တော်သေး။ အနည်းဆုံးတော့ အသက်မွေးဝမ်းကျောင်းအတွက် ဈေးရောင်း စားတတ်ဦးမယ်)

တိတ်ဆိတ်နေ့

အောက်က ကုန်စုံဆိုင်လေးကလည်း ဖွင့်သည်လည်း မဟုတ်၊ မဖွင့်ဘူး မဟုတ်။ ဆိုင်မှာ ဘာမှတော့ ချိတ်မထားဘူး၊ သူတို့ အဖေကြီးတော့ ထိုင်နေတယ်။ (တခါက ဈေးဝယ်ရင်း ရူဘီ ဆေးလိပ်ဘူးတွေ့တော့ ဒါတွေ တင်နေတာလား … နောက်ဆို လာမဝယ်ဘူး ခြောက်ထားတော့ … လက်ကျန်လေး ရောင်းနေတာပါ … နောက် မတင်တော့ပါဘူးတဲ့။ အဲလိုနဲ့ ဖွင့်သည်လည်း မဟုတ်၊ မဖွင့်ဘူးလည်း မဟုတ် ဖြစ်နေရရှာတယ်)

အနောက်က အဲကွန်းပြင်ဆိုင်က ဝန်ထမ်းကလည်း အပြင်ထွက်ဖို့ စက်ဘီးလေး ထုတ်လာ၊ သူ့ဘော်ဒါက လှမ်းအော်တယ် … အပြင်မထွက်ရဘူးလေတဲ့။

နောက်လမ်းက မင်းသမီးရှုံးအောင် လှတဲ့ အပ်ချုပ်ဆိုင် ပိုင်ရှင်က အမကြီးကလည်း ဆိုင်တံခါးလေး သော့ဖွင့်ရင်း ပြောတယ်။ ဖွင့်တော့ မဖွင့်ချင်ဘူး … ပြဿနာ ရှာခံရမှာလည်း စိုးတယ်တဲ့။ တံခါးလေး တချပ် လှပ်ထားတယ်။ ဖွင့်သည်မဟုတ်၊ မဖွင့်သည်လည်း မဟုတ်။

အဲဒါတွေ ဘယ်လို သိလည်း မမေးနဲ့ … မိန်းမက အမှိုက်သွားပစ်ချေဆိုတော့ လှည့်လည် လေ့လာခဲ့တာ။

Feb 1

အစီအစဉ် တခုအတွက် ကျနော် မနက် ၄ နာရီနိုးလေ့ရှိပေမယ့် အဲဒီနေ့က မနက် ၃ နာရီ နိုးလာတယ်။ သန့်စင်ခန်းထဲ ထိုင်ရင်း မနက်လုပ်ရမှာတွေအတွက် ဖုန်းဖွင့်တယ် … အင်တာနက်မရ။ ဖုန်းတွေလည်း ဆက်မရ။

အဲဒီ မတိုင်ခင် မနေ့ညက အစ်ကိုကြီး ရွှေအင်းသား ခင်မောင်ဝင်း တင်တာကို သွားနောက်မိသေးတယ် (အူးလေးကလည်း နောက်ပြီ) လို့။

နေပြည်တော်ကို လှမ်းမေးဖို့ ဖုန်းဆက်လည်း မရ။ နောက်မှ အဆက်အသွယ်ရတော့ ထနဇက ကျနော် ည ၁၂ ကတည်းက သိတယ်တဲ့။ ကြိုမပြောဘူး … တွေ့မှ ဆဲရဦးမယ်။

ကားလာကြိုတော့ အာဏာသိမ်းပြီနော် ဆိုတော့ ကားဆရာရော၊ ဗီဒီယို အယ်ဒီတာတွေ၊ ကွန်ထရိုး အခန်းက ညီလေးတွေကရော မယုံဘူး … ကျနော် နောက်တယ်ပဲ ထင်နေတာ။ ထင်ဆို ရွေးကောက်ပွဲမှာ ကြံ့ဖွတ် မနိုင်ရင် ဘာလုပ်မလဲ မေးတော့ အာဏာသိမ်းမှာလို့ပဲ နောက်ခဲ့တာကိုး။

ရုံးလည်းရောက်ရော ကွန်ထရိုးရွန်းက ညီလေးတွေက အစ်ကို လာကြည့်ဦးတဲ့ … TV လိုင်းတွေ အကုန် black ကျနေပြီတဲ့။

သတင်းစဉ်နေတဲ့ ဦးဝင်းနိုင်ကို ပြောတော့ သူကလည်း သေချာအောင် လိုက်ကြည့်တယ်။ အဲဒါနဲ့ လွှင့်နေကျ အစီအစဉ် ဖျက်ပြီး … အာဏာသိမ်းလိုက်ပါပြီလို့ ကြေညာ လိုက်ရတယ်။

အမှတ်ရအောင် ရေးထားတာပါ။

Day of Darkness

အစီအစဉ် တခုအတွက် ကျနော် မနက် ၄ နာရီနိုးလေ့ရှိပေမယ့် အဲဒီနေ့က မနက် ၃ နာရီ နိုးလာတယ်။ သန့်စင်ခန်းထဲ ထိုင်ရင်း မနက်လုပ်ရမှာတွေအတွက် ဖုန်းဖွင့်တယ် … အင်တာနက်မရ။ ဖုန်းတွေလည်း ဆက်မရ။

အဲဒီ မတိုင်ခင် မနေ့ညက အစ်ကိုကြီး ရွှေအင်းသား ခင်မောင်ဝင်း တင်တာကို သွားနောက်မိသေးတယ် (အူးလေးကလည်း နောက်ပြီ) လို့။

နေပြည်တော်ကို လှမ်းမေးဖို့ ဖုန်းဆက်လည်း မရ။ နောက်မှ အဆက်အသွယ်ရတော့ ထနဇက ကျနော် ည ၁၂ ကတည်းက သိတယ်တဲ့။ ကြိုမပြောဘူး … တွေ့မှ ဆဲရဦးမယ်။

ကားလာကြိုတော့ အာဏာသိမ်းပြီနော် ဆိုတော့ ကားဆရာရော၊ ဗီဒီယို အယ်ဒီတာတွေ၊ ကွန်ထရိုး အခန်းက ညီလေးတွေကရော မယုံဘူး … ကျနော် နောက်တယ်ပဲ ထင်နေတာ။ ထင်ဆို ရွေးကောက်ပွဲမှာ ကြံ့ဖွတ် မနိုင်ရင် ဘာလုပ်မလဲ မေးတော့ အာဏာသိမ်းမှာလို့ပဲ နောက်ခဲ့တာကိုး။

ရုံးလည်းရောက်ရော ကွန်ထရိုးရွန်းက ညီလေးတွေက အစ်ကို လာကြည့်ဦးတဲ့ … TV လိုင်းတွေ အကုန် black ကျနေပြီတဲ့။

သတင်းစဉ်နေတဲ့ ဦးဝင်းနိုင်ကို ပြောတော့ သူကလည်း သေချာအောင် လိုက်ကြည့်တယ်။ အဲဒါနဲ့ လွှင့်နေကျ အစီအစဉ် ဖျက်ပြီး … အာဏာသိမ်းလိုက်ပါပြီလို့ ကြေညာ လိုက်ရတယ်။

အမှတ်ရအောင် ရေးထားတာပါ။