Tag Archives: WikiLeaks

WikiLeaks: The War of IT and Politics

ဝီကီလိစ် – အိုင်တီနည်းပညာနှင့် နိုင်ငံရေး စစ်မျက်နှာသစ်
ခက်ထန်

“စာနယ်ဇင်း ပညာသည် တိုက်ခိုက်မှု မဟုတ်၊ ဝီကီလိစ် (WikiLeaks) သည် စစ်ပွဲမဟုတ်” ဟု ဟပ်ဖင်တန်ပို့စ်တွင် ဆောင်းပါးရှင် ဂျို့စ် မူးလ်က ရေးသည်။

သို့သော် မီဒီယာသစ် (New Media) ဟု သတ်မှတ်ထားသော ဝီကီလိစ် ဝက်ဘ်ဆိုဒ်၏ ဖွင့်ချမှုများကို အမေရိကန် အစိုးရက အမျိုးသားလုံခြုံရေးကို ထိပါးစေသော “တိုက်ခိုက်မှု” ဟု မြင်လာပြီး ဝီကီလိစ်ကို ထောက်ခံသူ ဆန့်ကျင်သူများ အပြန်လှန် နည်းပညာတိုက်ခိုက်မှုများ၊ ဥပဒေကြောင်းအရ စွဲချက်တင်နိုင်ရန်၊ ခုခံနိုင်ရန် ကြိုးပမ်းမှုများအပါအဝင် “စစ်ပွဲတခု” အသွင် ဆောင်လျက်ရှိပေသည်။

လော့စ် အိန်ဂျယ်လိစ် သတင်းစာကလည်း “ဝီကီလိစ် အငြင်းပွားမှုသည် ဆိုက်ဘာစစ်ပွဲကို မီးမွှေးလိုက်ပြီ” ဟု ရေးသည်။

၂၀ဝ၆ ခုနှစ်တွင် စတင်ခဲ့သည့် “အစိုးရများကို ဖွင့်ချမည်” ဟု ကြွေးကြော်ထားသော ဝီကီလိစ်၏ စာရွက်စာတမ်းများ ပေါက်ကြားစေမှု ပြဿနာသည် ၂၀၁၀ ပြည့်နှစ် အကုန်တွင် အထွဋ်အထိပ်သို့ ရောက်ရှိလာခဲ့သည်။

Continue reading

Advertisements

Leave a comment

Filed under Article, Politics, WikiLeaks

WikiLeaks: History

ဝီကီလိ (ခ်) သည် ၂၀ဝ၆ ဒီဇင်ဘာတွင် စတင်ပေါ်ပေါက်လာသည်။ တောင်အာဖရိက၊ ဥရောပ၊ ထိုင်ဝမ်၊ အမေရိကန် နှင့် သြစတြေးလျတို့ရှိ နည်းပညာရှင်များနှင့် စာနယ်ဇင်းသမား၊ သင်္ချာပညာရှင် တရုတ်အတိုက်အခံများက စ၍ ထူထောင်သည်ဟု ဖော်ပြခဲ့ဖူးသည်။ ဝီကီလိခ်ကို စတင်ဖန်တီးသူအား ခြေရာမခံနိုင်ခဲ့ပေ။ ၂၀ဝ၇ ဇန်နဝါရီလမှစ၍ ဂျူလီယန် အက်စ်ဆန်း နှင့် အခြားသူများ ပရိသတ်ရှေ့မှောက်တွင် ပေါ်လာသည်။ အက်စ်ဆန်းက သူ့ကိုယ်သူ ဝီကီလိ (ခ်) အကြံပေးဘုတ်အဖွဲ့ဝင်ဟု ဆိုသည်။ The Australian သတင်းတပုဒ်တွင် အက်စ်ဆန်းကို ဝီကီလိ (ခ်) ကိုတည်ထောင်သူဟု ဖော်ပြထားသည်။ Wierd မဂ္ဂဇင်းကမူ အက်စ်ဆန်းနှင့် စကားပြောဆိုဖူးသည် ဆိုသည့် ကူညီရေးသားတဦး၏ အဆိုကို ကိုးကား၍ အက်စ်ဆန်းကို “ဝီကီလိ (ခ်) ၏ ဝိဉာဉ်နှင့် အသက်၊ တည်ထောင်သူ၊ အတွေးအခေါ် ချမှတ်သူ၊ ပြောခွင့်ရှိသူ၊ လက်ရင်း ကုဒ်ဖန်တီးသူ၊ ဆော်သြသူ၊ ငွေကြေး မ တည်သူနှင့် အားလုံးတွင် တာဝန်ရှိသူ” ဟု ဖော်ပြထားသည်။ ၂၀ဝ၉ ခုနှစ် တွင် ဝီကီလိ (ခ်) ၌ ကူညီရေးသားသူပေါင်း ၁၂,ဝ၀ မှတ်ပုံတင်ထားသည်။ အကြံပေးဘုတ်အဖွဲ့တွင် အက်စ်ဆန်း၊ ဖိလစ် အဒမ်၊ ဝန်ဒန်၊ စီ.ဂျေ.ဟင့်ခ်၊ ဘင် လော်ရေး၊ တာရှီ နမ်ဂျယ် ခမ်ဆစ်ဆန်၊ ရှောင်ကင်၊ ချီကို ဝှစ်တက်ကာနှင့် ဝန် ယုကိုင်တို့ ပါဝင်သည်။ ၂၀၁၀ ပြည့်နှစ်အတွင်း Mother Jones မဂ္ဂဇင်းက ဆက်သွယ်မေးမြန်းခန်းတွင်မူ မစ္စတာ ခမ်ဆစ်ဆန်က သူ့အနေဖြင့် ဝီကီလိ (ခ်) မှ အီးမေးလ် လက်ခံရရှိခဲ့သော်လည်း အကြံပေးဖြစ်ရန် သဘောမတူခဲ့ပါဟု ငြင်းဆိုထားသည်။

Continue reading

Leave a comment

Filed under Article, WikiLeaks, Wikipedia

WikiLeaks: Than Shwe Considered Manchester United Buyout

နာဂစ်ဆိုင်ကလုန်း မုန်တိုင်း ပြန်လည် ထူထောင်ရေးတွေ နှေးကွေးလွန်းလို့ ကုလသမဂ္ဂက စိတ်မရှည် ဖြစ်နေချိန်မှာ ဗိုလ်ချုပ်မှူးကြီး သန်းရွှေဟာ သူ့မြေး ဖိုးလပြည့်က ပူဆာတဲ့အတွက် မန်ချက်စတာ ယူနိုက်တက် ဘောလုံးအသင်းကို ဒေါ်လာ ၁ ဘီလီယံ အသုံးပြုပြီး ဝယ်ယူဖို့ စဉ်းစားခဲ့သေးတယ်လို့ ဝီကီလိ (ခ်) ကနေ သတင်းပေါက်ကြားလာပါတယ်။

ရန်ကုန်ရှိ အမေရိကန် သံရုံးကနေ ဝါရှင်တန်ကို ၂၀ဝ၉ ဇွန်လမှာ ပေးပို့တဲ့ အကြောင်းကြားစာမှာ “အထဲနဲ့ အဆက်အသွယ် ကောင်းကောင်းရှိသူတယောက်က သတင်းပို့လာတာကတော့ သူ့မြေးက ဦးသန်းရွှေကို မန်ချက်စတာ ယူနိုက်တက်ကို ဝယ်ဖို့ ဒေါ်လာ ၁ ဘီလီယံ ပေးစေချင်နေပါတယ်” တဲ့။ “ဒါပေမယ့် ဦးသန်းရွှေက ဒီလို ပေးဝယ်လိုက်တာဟာ အရုပ်နည်းနည်းဆိုးတာကြောင့် မြန်မာပြည်မှာပဲ ကိုယ့် မြန်မာလိဂ်ကို လုပ်ဖို့ ရွေးလိုက်တယ်” တဲ့။

ဒါဟာ မြန်မာပြည်မှာ သောက်သောက်လဲ ချမ်းချမ်းသာနေတဲ့ စီးပွားရေးသမားကြီးတွေ ဘောလုံးအသင်းထောင်ကြပြီး မြန်မာနေရှယ်နယ်လိဂ် ပေါ်ပေါက်လာရခြင်း အကြောင်းရင်းပါပဲ။

မက်စ် ဇော်ဇော်ဟာ ဦးသန်းရွှေရဲ့ မြေး ဖိုးလပြည့်ကို သူပိုင်တဲ့ အသင်းမှာ ကစားဖို့ ငှားရမ်းခဲ့သေးတယ်လို့လည်း တခြား ကေဘယ်သတင်းတခုမှာ ပါလာပါတယ်။

ဝီကီလိ (ခ်) ဟာ အစိုးရတွေနဲ့ ကော်ပိုရေးရှင်းကြီးတွေရဲ့ လျှို့ဝှက် ပေးစာ၊ အကြောင်းကြားစာနဲ့ စာရွက်စာတမ်းတွေကို ဖော်ထုတ်နေလို့ အခုတလော ကမ္ဘာ့သတင်းမှာ ထိပ်တန်းသတင်းနေရာက ယူနေတဲ့ ဝက်ဘ်ဆိုဒ် တခုဖြစ်ပါတယ်။

(ဝီကီလိ (ခ်) မှာ ပေါက်ကြားလာတဲ့ မြန်မာ နေရှင်နယ် လိဂ် နဲ့ ဘောလုံးအသင်းပိုင်ရှင် စီးပွားရေးသမား တချို့အကြောင်း။ ပထမစာဒုတိယစာ )

Ref: Guardian

Leave a comment

Filed under News, WikiLeaks

WikiLeaks: Intro

(မြန်မာ ဝီကီပီဒီးယား ဆိုဒ် နှစ်ခုအတွက် ရေးနေတဲ့ ဝီကီလိ (ခ်) အကြောင်းပါ။ ဘလော့ဂ်မှာလည်း တင်လိုက်ပါတယ်။)

ဝီကီလိ (ခ်) (wikileaks) သည် နိုင်ငံတကာ အကျိုးမမြတ်မရှာသော မီဒီယာသစ် မီဒီယာ အဖွဲ့ဖြစ်သည်။ အမည်မသိ သတင်းရင်းမြစ်နှင့် ပေါက်ကြားမှုများမှတဆင့် သာမန်အားဖြင့် ရရန်ခက်ခဲသော စာရွက်စာတမ်းများကို တင်ပေးနေသော နေရာဖြစ်သည်။ ဝီကီလိ (ခ်) ဝက်ဘ်ဆိုဒ်ကို The Sunshine Press က ၂၀ဝ၆ တွင် စတင်သည်။ စတင်သည့် နှစ်မှာပင် စာရွက်စာတမ်းပေါင်း ၁.၂ သန်းခန့် တိုးပွားလာခဲ့သည်။

ယခုအဖွဲ့ကို တောင်အာဖရိက၊ ဥရောပ၊ ထိုင်ဝမ်၊ အမေရိကန် တို့ရှိ နည်းပညာရှင်များနှင့် စာနယ်ဇင်းသမား၊ သင်္ချာပညာရှင် တရုတ်အတိုက်အခံများက စ၍ ထူထောင်သည်ဟု ဖော်ပြခဲ့ဖူးသည်။ သတင်းစာဆောင်းပါးများနှင့် The New Yorker မဂ္ဂဇင်းတို့က  သြစတြေးလျ အင်တာနက် တက်ကြွလှုပ်ရှားသူ ဂျူလီယန် အက်စ်ဆန်း (Julian Assange) ကို ဝီကီလိ (ခ်) ဒါရိုက်တာအဖြစ် ဖော်ပြကြသည်။

Continue reading

Leave a comment

Filed under Article, WikiLeaks, Wikipedia