Tag Archives: International Affairs

ဂျေရုဆလင် – အစ္စရေး၊ ပါလက်စတိုင်းနဲ့ အာရပ်ကမ္ဘာကြား တကြော့ပြန် မီးပွား

ကိုသင်ကာ

အမေရိကန် သမ္မတ ဒေါ်နယ်ထရမ့်က ဂျေရုဆလင်ကို အစ္စရေးနိုင်ငံရဲ့ မြို့တော် အဖြစ် အသိအမှတ်ပြုလိုက်ပြီး အမေရိကန် သံရုံးကိုလည်း တဲလ်အဗစ်ကနေ ဂျေရုဆလင်ကို ပြောင်းဖို့ ဆုံးဖြတ်ထားတာဟာ အရှေ့အလယ်ပိုင်း ပြဿနာကို မီးပြန်မွှေးလိုက်တာပဲ ဖြစ်ပါတယ်။ ဒီဇင်ဘာ ၆ ရက်နေ့က သမ္မတ ထရမ့်ရဲ့ ဆုံးဖြတ်ချက်ဟာ အမေရိကန် မူဝါဒကို ချိုးဖောက်ရာရောက်ပြီး နိုင်ငံတကာက ပြစ်တင်ဝေဖန်မှုတွေကို ဖြစ်ပေါ်စေကာ ကမ္ဘာတဝန်း ဆန့်ကျင်ကန့်ကွက်မှုတွေ ဖြစ်ပေါ်စေပါတယ်။

လတ်တလောမှာတော့ ဂျေရုဆလင်မှာ ဘယ်နိုင်ငံက သံရုံးမှ မရှိသေးပါဘူး။ ဂျေရုဆလင်အရေးဟာ အကဲဆတ်တဲ့ ကိစ္စဖြစ်ပြီး အစ္စရေး-ပါလက်စတိုင်း ပဋိပက္ခမှာ အဓိက အချက်အခြာ ပြဿနာ ဖြစ်ပါတယ်။

ထရမ့်ရဲ့ ဆုံးဖြတ်ချက်ဟာ အာရပ်တွေနဲ့ နိုင်ငံတကာ ဥပဒေတွေကို အာရုံထွေပြားစေတယ်လို့ ပြည်ပရောက် ပါလက်စတိုင်း ပေါ်ပြူလာကွန်ဖရင့် ဥက္ကဋ္ဌ ဆယ်လ်မန် အဘူ ဆစ်တာက ပြောပါတယ်။ သမ္မတ ထရမ့်ရဲ့ ကြေညာချက်ဟာ ပါလက်စတိုင်း၊ ဂျေရုဆလင်တို့နဲ့ ပတ်သက်ပြီး တည်ငြိမ်နေတဲ့ လူတွေကို ဆွပေးလိုက်တာ ဖြစ်တယ်လို့လည်း ဆစ်တာ က ဆိုပါတယ်။

ဘာသာရေး အထွဋ်အမြတ်နေရာဖြစ်တဲ့ ဂျေရုဆလင်ဟာ ဂျူး၊ ခရစ်ယာန်နဲ့ မွတ်စလင်တွေအတွက် ထူးမြတ်တဲ့ နေရာတစ်ခု ဖြစ်ပါတယ်။
၁၉၄၈ အာရပ်-အစ္စရေး စစ်ပွဲမှာ အစ္စရေးက ဂျေရုဆလင် အနောက်ဘက်ခြမ်းကို သိမ်းပိုက်လိုက်ပြီး အစ္စရေးနိုင်ငံ တည်ထောင်ချိန်မှာ ပါလက်စတိုင်းတွေဟာ ကပ်ဘေးဆိုက်စေတယ်ဆိုကာ ပါလက်စတိုင်း ၇ သိန်းခွဲကို နှင်ထုတ်လိုက်ပါတယ်။

Continue reading

Advertisements

Leave a comment

Filed under Article, International Affairs, Politics

ဂျေရုဆလင် ဂယက်နဲ့ နိုင်ငံတကာ တုံ့ပြန်ချက်

ကိုသင်ကာ

အမေရိကန် သမ္မတ ဒေါ်နယ် ထရမ့်က အငြင်းပွားနေတဲ့ ဂျေရုဆလင်ကို အစ္စရေးရဲ့ မြို့တော်အဖြစ် အသိအမှတ်ပြုတယ်လို့ ဒီဇင်ဘာ ၆ ရက်နေ့မှာ ကြေညာလိုက်ပြီးနောက် အမေရိကန်၊ အစ္စရေးနဲ့ မွတ်စလင် ကမ္ဘာကြား ပွက်လောရိုက်သွားပါတယ်။ သမ္မတ ထရမ့်ရဲ့ ဆုံးဖြတ်ချက်အပေါ် နိုင်ငံတကာက ပြင်းပြင်းထန်ထန် ဝိုင်းဝန်း ဝေဖန်ခဲ့ကြပြီး တင်းမာမှုတွေ ဖြစ်ပေါ်လာပါတယ်။

အစ္စရေး ဝန်ကြီးချုပ် ဘင်ဂျမင် နေတန်ယာဟုကတော့ ‘သမိုင်းဝင်နေ့’ လို့ ကြွေးကြော်ပါတယ်။ ဂျေရုဆလင်ဟာ အစ္စရေးနဲ့ ပါလက်စတိုင်းကြား ဆူးကြားက ဗူးခါးဖြစ်နေခဲ့တာ ကြာပါပြီ။ သမ္မတ ထရမ့်ရဲ့ ကြေညာချက်ဟာ ဆယ်စုနှစ်ကြာ အမေရိကန် နိုင်ငံခြားရေး မူဝါဒကို ဆွဲလှည့်လိုက်သလို ဖြစ်သွားပါတယ်။

ပါလက်စတိုင်း သမ္မတ မာမွတ် အဘတ်စ်ကတော့ သမ္မတ ထရမ့်ရဲ့ အသိအမှတ်ပြုမှုဟာ ဝမ်းနည်းဖွယ်ရာ ဖြစ်တယ်လို့ ရှုတ်ချပါတယ်။ အနောက်ဘက် ကမ်းခြေနဲ့ ဂါဇာ ကမ်းမြှောင်ဒေသက ပါလက်စတိုင်းတွေကတော့ ဆန္ဒပြဖို့ တာဆူနေကြပါတယ်။

Continue reading

Leave a comment

Filed under International Affairs, MCN, Politics

သွေးမစွန်းတဲ့ ဇင်ဘာဘွေ အာဏာသိမ်းမှုနဲ့ မူဂါဘီ ကျဆုံးခန်း

သင်ကာ

ဆယ်စုနှစ် ၄ ခုနီးပါးကြာ ဇင်ဘာဘွေနိုင်ငံကို အုပ်ချုပ်ခဲ့တဲ့ သမ္မတ ရောဘတ် မူဂါဘီရဲ့ အာဏာကတော့ နိဋ္ဌိတံသွားပါပြီ။ ဇင်ဘာဘွေ စစ်တပ်က ရုတ်တရက်၊ မြန်မြန်နဲ့ သွေးမစွန်းတဲ့ အာဏာလွှဲပြောင်းမှုကို လုပ်ပေးနိုင်ခဲ့ပါတယ်။

သူ့ရဲ့ ဇာနု-ပီအက်ဖ် ပါတီကလည်း သူ့ကို ပါတီ ခေါင်းဆောင်အဖြစ်က ထုတ်ပစ်လိုက်ပြီး စစ်တပ်နဲ့ ပူးပေါင်းခဲ့ပါတယ်။ စိတ်ဝင်စားစရာကောင်းတဲ့ ဇင်ဘာဘွေ အာဏာ လွှဲယူဖို့ ကြိုးပမ်းမှုမှာ စစ်တပ်က ‘အာဏာသိမ်း’ တာ မဟုတ်ဘူးလို့ အစဉ်တစိုက် ပြောဆိုခဲ့ပါတယ်။ တခြား စိတ်ဝင်စားစရာ ဘာတွေ ရှိသေးသလဲ။

စစ်တပ်အကြီးအကဲကို ကာကွယ်ဖို့ အာဏာသိမ်းမှု လုပ်ခဲ့တာလား ?

မူဂါဘီက ဒုတိယ သမ္မတ အီမာဆန် မနန်ဂါဂဝါကို ဖြုတ်ပစ်တဲ့ ကိစ္စမှာ စစ်တပ်က ဝင်တားခဲ့ပါသေးတယ်။ မနန်ဂဝါကို ဖြုတ်ပစ်တာဟာ အသက် ၉၃ နှစ်ရှိပြီဖြစ်တဲ့ မူဂါဘီက သူ့ဇနီး ဂရေ့စ်ကို သမ္မတအဖြစ် ခန့်မလို့ ခြေလှမ်း လှမ်းတယ်ဆိုတာ သိလို့ ဖြစ်ပါတယ်။

Continue reading

Leave a comment

Filed under Article, International Affairs

မြောက်ကိုရီးယားက ဂူအမ်ကျွန်းကို တိုက်ခိုက်ရင် ဘာဖြစ်မလဲ


သင်ကာ

အမေရိကန်ကို ရန်သွားစရင် စစ်အင်အား အပြည့်အစုံနဲ့ တုံ့ပြန်မှာဖြစ်လို့ မြောက်ကိုရီးယားက ဂူအမ်ကျွန်းကို ဒုံးကျည်နဲ့ ပစ်ခတ်တိုက်ခိုက်မယ်ဆိုရင် “ကိုယ့်သေတွင်းကိုယ်တူး” တာနဲ့ အတူတူပဲလို့ ကျွမ်းကျင်သူတွေက ပြောကြပါတယ်။

မြောက်ကိုရီးယား ခေါင်းဆောင် ကင်ဂျုံအန်း ကိုယ်တိုင် စီမံခန့်ခွဲပြီး သြဂုတ်လလယ်မှာ အမေရိကန်ပိုင် ဂူအမ်ကျွန်းကို တာလတ်ပစ် ဒုံးကျည်တွေနဲ့ ပစ်ခတ်တိုက်ခိုက်မယ်လို့ သြဂုတ်လ ၁၀ ရက်နေ့မှာ မြောက်ကိုရီးယားက ပြောဆိုလိုက်ပါပြီ။

ကိုရီးယားပြည်သူ့ တပ်မတော် (KPA) က ဟွာဆန်-၁၂ (Hwasong-12) ဒုံးကျည် ပစ်လွှတ်မှာ ဖြစ်ပြီး ဒုံးကျည်တွေက ဂျပန်ရဲ့ စီရင်စုတွေ ဖြစ်တဲ့ ရှီမာနဲ၊ ဟီရိုရှီးမားနဲ့ ကိုချိ စီရင်စုတွေပေါ်ကို ဖြတ်သွားမှာ ဖြစ်တယ်လို့ မြောက်ကိုရီးယား မဟာဗျူဟာ တပ်ဖွဲ့ရဲ့ တပ်မှူး ဗိုလ်ချုပ်ကြီး ကင်မ် ရတ်ခ် ဂျွမ်က ပြောပါတယ်။ ၂၀၈၅ ဒသမ ၈ မိုင်ကို ၁၀၆၅ စက္ကန့်နှုန်းနဲ့ ပစ်လွှတ်မှာ ဖြစ်ပါတယ်။

မြောက်ကိုရီးယားက တကယ်သာ လုပ်မယ်ဆိုရင်တော့ အဆုံးသတ်ရလဒ်က ဆိုးရွားလိမ့်မယ်လို့ ဒေသတွင်းက ကျွမ်းကျင်သူတွေက မှတ်ချက်ပေးကြပါတယ်။

Continue reading

Leave a comment

Filed under Article, International Affairs

နျူကလီးယား စစ်ပွဲ အန္တရာယ် ပိုကြီးလာနေ

သင်ကာ

ဒီနေ့ ကမ္ဘာကြီးဟာ လွန်ခဲ့တဲ့ နှစ်တွေကထက် နျူကလီးယား စစ်ပွဲ အန္တရာယ်နဲ့ ပိုနီးလာနေပြီလို့ ကမ္ဘာ့နျူကလီးယား စောင့်ကြည့်ရေး ကျွမ်းကျင်သူက ပြောလိုက်ပါတယ်။

အမေရိကန် သမ္မတ ဒေါ်နယ်ထရမ့်နဲ့ မြောက်ကိုရီးယားတို့ နျူကလီးယား ကိစ္စ စကားစစ်ထိုးနေတာတွေဟာ အလွန်ပဲ စိုးရိမ်စရာ ကောင်းတယ်လို့ ဒေါက်တာ လက်ဆီနာ ဇာဘိုက ပြောပါတယ်။ ဒေါက်တာ ဇာဘိုဟာ နျူကလီးယား စမ်းသပ်မှု ပိတ်ပင်ရေး သဘောတူစာချုပ် အဖွဲ့ Comprehensive Test Ban Treaty Organization (CTBTO) ရဲ့ အမှုဆောင် အတွင်းရေးမှူး ဖြစ်ပါတယ်။

CTBTO မှာ လက်မှတ်ရေးထိုးဖို့ နိုင်ငံတွေကို တိုက်တွန်းနေရတာ တိုးတက်မှု နှေးတဲ့ကိစ္စကို သူ စိတ်မပူပေမယ့် မြောက်ကိုရီးယား နျူကလီးယားအရေးဟာ ကမ္ဘာကို ပိုပြီး အန္တရာယ်များတဲ့ နေရာ ဖြစ်လာစေကြောင်း ဒေါက်တာ ဇာဘိုက ပြောပါတယ်။

နျူကလီးယား ပြိုင်ဆိုင်မှုဟာလည်း တရှိန်ထိုး တက်နေတယ်လို့ သူက ထောက်ပြပါတယ်။ “ကျွန်တော် CTBTO ကို လွန်ခဲ့တဲ့ ၁၃ နှစ်တုန်းက စဝင်တဲ့ အချိန်ကထက် အခုအခြေအနေက အများကြီး ဆိုးပါတယ်” လို့ သူက ပြောပါတယ်။

Continue reading

Leave a comment

Filed under Article, International Affairs, Politics

တရုတ်စီးပွားရေးကို ပြောင်းလဲမယ့် ရှီကျင့်ဖျင်ရဲ့ အတွေးအခေါ် ရှစ်ရပ်


သင်ကာ

တရုတ်နိုင်ငံ၊ ဘေဂျင်းမြို့မှာ ကျင်းပတဲ့ ၁၉ ကြိမ်မြောက် တရုတ်ကွန်မြူနစ်ပါတီ အမျိုးသားကွန်ဂရက်က လက်ရှိသမ္မတ ရှီကျင့်ဖျင်ကိုပဲ ဆက်လက် ရွေးချယ်ခဲ့ပါတယ်။

တရုတ် ကွန်မြူနစ်ပါတီဟာ ဆက်လက် ရွေးချယ်လိုက်တဲ့ သမ္မတ ရှီကျင့်ဖျင်ရဲ့ အတွေးအခေါ်တွေကို လမ်းပြမူထဲ ထည့်လိုက်ပါတယ်။ အဲဒီထဲမှာ သဘာဝ ပတ်ဝန်းကျင်ကို ပိုမိုပြီး ကာကွယ်ရေး၊ လူမှုဘဝ တိုးတက်ကောင်းမွန်ရေး ကိစ္စတွေလည်း ပါပါတယ်။

ခေတ်သစ်အတွက် တရုတ် စရိုက်လက္ခဏာမပျက် ဆိုရှယ်လစ်ဝါဒနဲ့ ပတ်သက်လို့ ရှီ ကျင့်ဖျင်ရဲ့ အတွေးအခေါ်တွေက ကမ္ဘာ့ဒုတိယ အကြီးဆုံး စီးပွားရေးနိုင်ငံကြီး ဖွံ့ဖြိုးမှု ပိုချိန်ညှိကာ ရှေ့တိုးဖို့ အချက်ပေးလိုက်တာ ဖြစ်ပါတယ်။

Continue reading

Leave a comment

Filed under Article, China, Environment, International Affairs, MCN

ကာ့ဒ်ခွဲထွက်ရေး သမားတွေကို တူရကီ ဘယ်လို နှိမ်နင်းခဲ့သလဲ

Article photo

နိုင်ငံတော်၏ အတိုင်ပင်ခံပုဂ္ဂိုလ်နဲ့ နိုင်ငံခြားရေး ဝန်ကြီး ဒေါ်အောင်ဆန်းစုကြည်နဲ့ တူရကီ သမ္မတ အာဒိုဂန်တို့ စက်တင်ဘာ ၅ ရက်နေ့က ရခိုင်ပြည်နယ်အရေးနဲ့ ပတ်သက်ပြီး ဖုန်းနဲ့ ဆက်သွယ် ဆွေးနွေးခဲ့ကြပါတယ်။

အဲဒီလို ဆွေးနွေးရာမှာ ဒေါ်အောင်ဆန်းစုကြည်က “တူရကီနိုင်ငံအနေဖြင့် ပီကေကေ (Kurdistan Workers’ Party – Partiya Karkerên Kurdistan [PKK]) ကို နှိမ်နင်းခဲ့ရခြင်းကြောင့် အကြမ်းဖက်ဝါဒ၏ စိန်ခေါ်မှုများကို ကောင်းစွာ နားလည်မည်ဟု ယုံကြည်ပါကြောင်း” လို့ ထည့်ပြောသွားပါတယ်။

မြန်မာနိုင်ငံ၊ ရခိုင်ပြည်နယ် မြောက်ပိုင်းက ARSA အကြမ်းဖက်သမားတွေ အရေးမှာ အကြမ်းဖက်မှုတွေထက် အကြမ်းဖက်မှုကြောင့် ထွက်ပြေးရတဲ့ မွတ်စလင်တွေကိစ္စနဲ့ မြန်မာအစိုးရဘက်ကို ဝေဖန် အပြစ်တင်နေတဲ့ တူရကီနိုင်ငံ အနေနဲ့ သူတို့ကြုံခဲ့ဖူးတဲ့ ပုန်ကန်မှုကို ဘယ်လို နှိမ်နင်းခဲ့သလဲဆိုတာကို သတိရစေဖို့ ဒေါ်အောင်ဆန်းစုကြည်က ထောက်ပြခဲ့တာ ဖြစ်ပါတယ်။

Continue reading

Leave a comment

Filed under Article, International Affairs, MCN, Politics