Tag Archives: Experience

2 Hours in the Hell

ရေချိုးခန်းသည်လည်း ငရဲခန်းဖြစ်နိုင်၏

ရေချိုးမယ် ပြင်ကာမှ ရေပန်းက သေးပေါက်သလောက်ပင် မလာ။ စိတ်အတော် တိုသွားသည်။ တဘက်ယူ အပြင်ပြန်ထွက်ပြီး အနောက်ဘက် ဝရံတာမှာ ရေခွက်ယူ၊ ရေပိုက်ခေါင်းက ကဲ့ယူပြီး ချိုးရသည်။

******

ရေချိုးတိုင်း တံခါးကို လော့ကျအောင် အထူးတလည် ပိတ်လေ့မရှိ။ စေ့တယ်ဆိုရုံလောက်သာ။ ဒီနေ့ အရှိန်နဲ့ တွန်းလိုက်တော့ ဂျောင်းကနဲ ပိတ်သွားသည်။ တံခါတလေ သေချာပိတ်တာတောင် ပြန်ပွင့်တတ်သည်။ ကီးကြောင်နေပြီ။

******

picture: Internet

Continue reading

Advertisements

1 Comment

Filed under Essay, Experience

Para Lawka (3) – Possession

ကော်မန့်တချို့ကို ပြန်ကြားချက်

ပို့စ်ဆက်မရေးခင်နဲ့ ပို့စ်ဆက်ရေးဖို့ အပျိုးအဖြစ် ကော်မန့်နှစ်ခု ဆွဲထုတ်ပြီး အကြောင်းပြန်ချင်ပါတယ်။ ကိုမြင့်မြတ်က ဒီလို အမေးရှိပါတယ်။

အဲဒါကို လတ်တလော မဖြေလိုသေးပါဘူး။ နောက်တော့မှ တဖြည်းဖြည်းရေးမယ် စိတ်ကူးပါတယ်။ ဘာသာရေးနဲ့ ပတ်သက်လို့ မဖတ်မရှု အရမ်းကာရော အပြစ်တင်၊ ပြစ်ပယ်တယ်တော့ မဟုတ်ပါဘူး။ ဘာသာပေါင်းစုံက ကျမ်းဂန်တွေကို လက်လှမ်းမီသလောက် ဖတ်ရှုနေဆဲပါ။ နောင်တော့ အသက်ကြီးမှဖြစ်ဖြစ် အေးအေးဆေးဆေး ရေးမယ် စိတ်ကူးပါတယ်။ (ဂျက်ဆီဂျိန်း လုပ်လိုက်တာပေါ့ 🙂 )

နောက်တစ်ခါ Indrew ကတော့ အဲဒီလိုပြောပါတယ်။ ကိုမြင့်မြတ်ကလည်း ပူးတဲ့အကြောင်း ပြောထားပါသေးတယ်။ ဒီနေရာမှာ ရည်ရွယ်ရင်းရှိတဲ့အတိုင်း ကျနော် ကိုယ်တွေ့ကြုံဖူးတဲ့ “ဝင်ပူးကပ်ခြင်း” အကြောင်း ပြောပါမယ်။

ပူးကပ်ခြင်း (Possession)

ပူးကပ်တယ်၊ ဝင်ပူးတယ် စသည်ဖြင့် မြန်မာတို့ သိထားတာမှာ နှစ်မျိုးခွဲနိုင်ပါလိမ့်မယ်။ တစ်ခုက မြန်မာတွေလက်ခံထားတဲ့ ၃၇ မင်း စတဲ့ အစိမ်းသေနတ်များ ပူးဝင်ခြင်းနဲ့ မကျွတ်မလွတ်သည့် သရဲ တစ္ဆေ စသည်တို့ ဝင်ပူးခြင်းဆိုပြီး ဆိုနိုင်ပါမယ်။ ပထမတစ်မျိုးကတော့ အပေါင်းလက္ခဏာအဖြစ် ရှုမြင်ကြပေမယ့် နောက်တစ်ခုကိုတော့ အဆိုးမြင်ကြတာ တွေ့နိုင်ပါတယ်။

ကျနော်အခုပြောမှာက ဒုတိယ တမျိုးပါ။

Continue reading

13 Comments

Filed under Article, Experience

Para Lawka (2)- Nanabawa and their Weight

နာနာဘာဝနှင့် အလေးချိန်

ဒီနေ့ သတင်းဖတ်ရင်း အောက်ပါ သတင်းတိုလေးကို နိရဉ္စရာသတင်းဆိုဒ်တွင် ဖတ်မိသည်။ စစ်တွေတွင် သင်္ချိုင်းရွှေ့သည့် သတင်းဖြစ်သည်။

ရင်းမြစ် - နိရဉ္စရာသတင်း

နာနာဘာဝများသည် သူတို့ ကုသိုလ်အနည်းအများအလိုက် တန်ခိုးအဆင့်အတန်းရှိကြသည်ဟု ကျမ်းဂန်များက ဆိုသည်။ အချို့က အိမ်မက်ပေးနိုင်သည်၊ အချို့က အသံပြုနိုင်သည်၊ အချို့က ကိုယ်ထင်ပြနိုင်သည်။ ဆရာမကြီးကြည်ဦး၏ “ထူးဆန်းအံ့ဖွယ် ပရနယ်”စာအုပ်၌ ကိုယ်ထင်ပြသည့် ပရလောကသားများအကြောင်း ပါသည်။

Continue reading

6 Comments

Filed under Article, Experience

Para Lawka (1)

ကျွန်ုပ်နှင့် ပရလောက တွေ့ကြုံသိကြားသမျှ (၁)

(ဤ အကြောင်းအရာများထဲ၌ ပါဝင်သူအများစုမှာ သက်ရှိထင်ရှားရှိကြသေး၍ နာမည်များ ဒေသများကို လွှဲ၍၊ ခြုံငုံ၍ ရေးထားပါသည်။)

ကွယ်လွန်သူ စာရေးဆရာမကြီး ကြည်ဦး (ယုံကြည်ချက်ကြောင့် အကျဉ်းကျနေသော ဇာဂနာ၏ မိခင်) ရေးသည့် “ထူးဆန်းအံ့ဖွယ် ပရလောကနယ်” ဆိုသည့် စာအုပ်ကို ဖတ်ရင်း သတိတရဖြစ်လာသော အကြောင်းများ ပေါ်လာပါသည်။ ပရလောကနှင့်ဆိုင်သည့် တွေ့ကြုံကြားမြင်ခဲ့ရသည်များ ဖြစ်ပါသည်။

ထိုထိုဤဤ မရေးမီ တစ္ဆေ သရဲ ဝိဉာဉ်လောကတို့နှင့် ပတ်သက်၍ စကားခံရပါဦးမည်။ လုပ်ဖော်ကိုင်ဘက်နှင့် မိတ်ဆွေများက ကျနော့်ကို ဘာသာအယူဝါဒ မရှိသူဟု သိကြပါသည်။ သို့သော် ပရလောကကို ကျနော် လက်ခံထားပါသည်။ သို့သော် ကိုယ့်ကိုယ်လာပြီး ဖြဲခြောက်မလား၊ ဂုတ်ချိုးမလားဆိုပြီး ရမ်းဆမဲ့ ယုံထားသည်တော့ မဟုတ်ပါ။ သူတို့လည်း သူတို့ အလွှာ (ဘုံ)နဲ့၊ ကိုယ်လည်း ကိုယ့်ဝန်းကျင်နဲ့ ဟု ယူဆလက်ခံထားပါသည်။ (ဤအခြေအနေကို ရူပဗေဗေဒသဘောနှင့် ရှင်းပြသော ဦးဥတ္တမဘွဲ့တော်ရ ဆရာတော်တစ်ပါးရေးသည့် စာအုပ် ရှိသည်။)

ယခုရေးမည်မှာ ကျနော် ရှင်းမပြနိုင်သော၊ ငြင်းမရနိုင်သော ကိုယ်တွေ့ (သို့မဟုတ်) ကိုယ်နှင့် အနီးစပ်ဆုံး ဝန်းကျင်မှ အဖြစ်အပျက်များသာ ဖြစ်ပါသည်။ စိတ်ကူးယဉ် တီထွင်၊ အလှမ်းဝေး တဆင့်ကြားများ မပါပါ။ ကျနော့်အသက်အရွယ်နှင့် ဤသို့ပေါက်ပေါက်ရှာရှာ ကြုံဖူးခြင်းမှာ ဗုဒ္ဓဘာသာရဟန်းဝတ်ဖြင့် မြို့မကျောင်းတိုက်၊ အနောက်တော တောရကျောင်း၊ ဝါဆိုဦး စသည့် ဘာသာရေးနယ်ပယ်များတွင် နှစ်နှင့်ချီ၍ နေဖူးခြင်း၊ ထူးဆန်းသော ဆွေမျိုးသားချင်းများနှင့် နေခဲ့ရခြင်း စသည်တို့ကြောင့် ဖြစ်သည်ဟု သုံးသပ်မိပါသည်။

ရေးမည်ဟု စိတ်ကူးနေသည်မှာ ကြာပြီ။ ဘာတွေရေးမလဲ စဉ်းစားသောအခါ ရေးလတ္တံ့သော အကြောင်းအရာတို့သည် စီကာစဉ်ကာ ပေါ်ထွက်လာလေသည်။

အဖွားအိမ် ဒမြတိုက်ခံရခြင်းနှင့် နာမ်လောက

ကျနော့် မိခင်ဘက်က အဖွားသည် ထူးဆန်းသော မိန်းမကြီးဖြစ်ပေသည်။ ယခုတိုင် သက်ရှိထင်ရှား ရှိနေသေးသည်။ သူစ၍ ထူးဆန်းသည်မှာ သူ့အိမ် ဓားပြတိုက်ခံရစဉ်က စသည်ဟု ကြံကြံဖန်ဖန် ဆိုရပေမည်။

Continue reading

6 Comments

Filed under Article, Experience

+ – x ?

ဦးပဇင်း ဝတ်စဉ်က ကျောင်းမနေဖူးတဲ့ ကိုရင်တွေ စာခေါ်သင်ပေးတယ်။ သုမနဆိုတဲ့ ကိုရင်ကြီးဟာ အသက်သာကြီးတယ်၊ အင်မတန် ထုံတယ်။

ဒီနိုင်ငံမှာ ဘယ်သူ အကြီးဆုံးလဲဆိုခင်ညွှန့်တဲ့၊

ကဘယ်မှာတုန်းဆိုကမ္ဘာထဲမှာတဲ့၊

အဲလို ကိုရင်ကြီး၊ အသက်က ၁၆ နှစ်လောက် ရှိနေပြီ။

စာချကိုယ်တော် ဦးတေဇနိယက သူ့ကိုစုံထောက်လို့ ခေါ်တယ်။ ပြောင်းပြန်ပြန်ကြည့်။

တနေ့ သင်္ချာသင်တယ်။ သင်္ချာမှာ လေးမျိုးရှိတယ်၊ ပေါင်း နှုတ် မြှောက် စား ပေါ့။

ဒါလေးတောင် မနည်းသင်ရတယ်။

သူမှတ်မိအောင် ဆွမ်းဟင်းခွက်တွေ ချပြီး ဒီလို ရောတာ ပေါင်းတာ၊ ဒီလို ခွဲထုတ်တာ နှုတ်တာဆိုတာ ပြရတယ်။

အစားကျတော့ ပြရခက်နေတယ်။

ကဲ ဒါနဲ့ ဆိုရင်းကို နောက်ရှင်းမယ်၊ စားတယ်ဆိုတဲ့ အမူအယာနဲ့ မှတ်ဆိုပြီး ပြရတယ်။

ဒီမြန်မာစကားလုံးလေး ခုကို သူမှာ မေ့မေ့နေတယ်။

နောက်နေ့ ပြန်အံပေါ့။

နောက်နေ့ ရောက်လာတယ်။

ကိုင်းသင်္ချာမှာ ဘယ်နှမျိုးတုန်းဆိုတော့ မျိုးပါဘုရားတဲ့။

ဟုတ်နေပြီ။ကဲ ဘာတွေတုန်းဆိုပြီး ဆက်မေးတယ်။

အပေါင်းတဲ့

အနှုတ်တဲ့

အမြှောက်တဲ့

အဲဒီမှာ သူတစ်နေပြီ။

နောက်တော့ကောဆိုတော့လည်း ဆက်မဖြေနိုင်ဘူး။

ဒါနဲ့ ဘော်ဒီလန်းဂွေ့နဲ့ ပြရတော့မယ်ပေါ့။

စားတဲ့ ဟန်လုပ်ပြတယ်။ ဖြေလိုက်ပုံက ..

အမြည်းတဲ့

ကျုပ်ရော ကုတင်ပေါ်က စာမှောက်ဖတ်နေတဲ့ သိမ်ကျောင်းကိုယ်တော်ပါ ရယ်လိုက်ရတာ အူတွေ နာလို့။

4 Comments

Filed under Experience

In…dar view !!!

cartoonအင်းဒါဗျူး

မီဒီယာတစ်ခုက ခုတလော ဟိုးလေးတကြော်ဖြစ်နေတဲ့ ဘလော့ဂ် အကယ်ဒမီအကြောင်း အင်တာဗျူးလာတယ်။ ဗျူးပြီးတော့ပြောခဲ့တာတွေ ပြန်သုံးသပ်နေမိတယ်။ အကယ်ဒမီအကြောင်းထက် ဗျူးကြတဲ့အကြောင်း စဉ်းစားမိတာပါ။

ကြုံရသမျှထဲမှာ အတော်လေး အစပ်အဟပ်မတည့်တဲ့ အင်တာဗျူးလို့ပဲ ပြောရမှာပါပဲ။ မဗျူးခင်ကတည်း သင်ကာနဲ့ မြန်မာဘလော့ဂ်ပရက် ဆက်စပ်မှုအနေအထားကို ပြောပြီးသား။ အကြံဉာဏ်လာတောင်းတော့ ပေးသူတစ်ယောက်အနေနဲ့ ဆက်စပ်လို့ သိခဲ့တာတွေကို ပြောမယ်ပေါ့။ တကယ်လည်းဗျူးရော ဒီဘလော့ဂ် အကယ်ဒမီကြီးကို တာဝန်ယူ ဆုပေးတော့မယ် ပုဂ္ဂိုလ်ကြီးအနေနဲ့ ယူဆပုံရပြီးသကာလ အပ်ကျမတ်ကျ မေးနေပါတော့တယ်။

Continue reading

Leave a comment

Filed under Media

ဖြဲ႔တည္ရာမဂၢဇင္း၊ ေဗာ္ဒဂါတစ္ပုလင္းနဲ႔ သီခ်င္းတစ္ပုဒ္

– ၁ –

ေနာက္တစ္ပတ္ဆို ထြက္ပါျပီ၊ ေနာက္တစ္ပတ္ဆို တကယ္ ထြက္ပါျပီ…ဆိုျပီး မဆံုးႏိုင္ေသာ ေနာက္တစ္ပတ္ေတြျပီးသြားတဲ့ေနာက္ မဂၢဇင္း တကယ္ထြက္လာပါျပီ။ ၾကန္႔ၾကာေနရတဲ့ အေၾကာင္းရင္းေတြကေတာ့ ေဖာမက္အသစ္မွာ အေျခမက်ႏိုင္ျခင္း၊ သင္ကာ ခရီးရက္ရွည္ ေျခရွည္ေနျခင္း၊ ဟန္သစ္ျငိမ္ ဘန္ေကာက္ဒိုးေနရျခင္း၊ အျခားေသာ ျမန္မာေက်ာင္းသားမ်ားေရးရာ၊ စာမူလက္က်န္ေတြ စာစီ၍ မျပီးျခင္း၊ ထြန္းေတာက္ေန သင္တန္းတက္ေနရျခင္း…စသည္ျဖင့္ စံုေနသည္။ ထြက္သင့္သည္ထက္ အေတာ္ၾကီးေနာက္က်မွပင္ ထြက္ေတာ့သည္ဆိုရမည္။ ေစာင့္ရတဲ့သူေတြလည္း မ်က္ႏွာပူရသည္။ 

– ၂ –

ဒီတစ္လထုတ္မွာ သုတထက္ ရသက ပိုကဲသည္။ မဂၢဇင္းျပင္ဆင္ပံုကို သြက္ေအာင္ လုပ္ထားသည္။ ေဇာ္ဂ်ီေဖာင့္နဲ႔လည္းလုပ္ေပးထားသည္။ ကေလာင္အင္အားလည္း အားရပါသည္။ ပါေနၾက အင္အားၾကီးကေလာင္မ်ားျဖစ္သည့္ ျငိမ္းေဇဦး၊ ထူးျမတ္၊ လာရာ စသူတို႔ အျပင္ ပေရာ္ဖက္ရွင္နယ္တန္းမွ မတူးတူးသာ၊ အယ္ဒီတာမမတစ္ဦးျဖစ္သူ ပိုးတီတို႔လည္း ပါလာသည္။ (မမြန္းသက္ပန္ကေတာ့ ေလနဲ႔ စာမူေပးထားသည္။ ရေအာင္ ဓားျပတိုက္ရဦးမည္။) မတူးတူးသာအၾကံျပဳသျဖင့္ ဟံသာဝတီဦးဝင္းတင္၏ ဘာသာျပန္လက္ရာ “ကြိ”ကိုလည္း အခန္းဆက္ စတင္ ေဖာ္ျပျဖစ္သည္။ စာအုပ္မူရင္းကို သူ မငွားခ်င္လည္း အတင္းေတာင္းျပီး ငွားထားလိုက္သည္။ “မင္း ဂ်ာနယ္လစ္လုပ္ေတာ့မယ္ဆိုရင္ ဒီစာအုပ္ကို ဖတ္ဖူးရမယ္” ဟု ဆရာတပိုင္းလည္းျဖစ္၊ ေသာက္ေဖာ္ေသာက္ဖက္လည္းျဖစ္သူ ဆရာျမင့္သူရက ေျပာဖူးသည္။ 

– ၃ –

ျပီးခဲ့သည့္ စေန၊ တနဂၤေႏြမွာ ဟန္သစ္ျငိမ္၊ ထြန္းေတာက္ေနတို႔ႏွစ္ေယာက္ႏွင့္ မဂၢဇင္းကို တြန္းျပီး အေခ်ာသတ္ၾကသည္။ တခါဖူးမွ် ေရစက္မဆံုျဖစ္ေသးေသာ အရက္ျဖစ္သည့္ ေဗာ္ဒဂါတစ္လံုးရထားသျဖင့္ ေဗာ္ဒဂါကို သံပုရာရည္နဲ႔ ေမွ်ာခ်ကာ သံုးေယာက္စလံုး ဇယ္ဆက္ေအာင္ လုပ္ရသည္။ (ညိမ္းညိဳတို႔ မင္းက်န္စစ္တို႔ေျပာေတာ့ ခ်ဥ္ျပံဳးျပံဳးဆိုေပမယ့္ ျပင္းလိုက္တာ လြန္ပါေရာ) စေနေန႔ညမွာ ေမြးေန႔ပါတီရွိ၍ သံုးေယာက္သား သြားျပီး တီးဝိုင္းနဲ႔ ေဖ်ာ္ေျဖလိုက္ရေသးသည္။ ေသာက္လိုက္သည္မွာလည္း ဝက္ဝက္ကြဲ။ မနက္က်ေတာ့ ဘာမွျဖစ္မေနအား။ မဂၢဇင္း ဆက္ကိုင္ၾကသည္။ ေဗာ္ဒဂါလက္က်န္ေလးလည္း ဆက္ျဖိဳၾကသည္။ တကယ္ဆို လူေတြက ေဒါင္းခ်င္ေနျပီ။ စာေတြကို အျပဴးအျပဲစစ္ေနရသည္။ ဟိုဟာက်န္ ဒီဟာက်န္မျဖစ္ေအာင္ ဂ႐ုစိုက္ရသည္။ (အရင္တလက မပန္ဒိုရာ၏ စာမူက်န္ခဲ့၍ အယ္ဒီတာမ်ားမူးေန၍ က်န္ခဲ့ေလသည္ဟု ေၾကညာေမာင္းထုျခင္း ခံရသတတ္။) ဒီေတာ့ အေရးၾကီးတဲ့လူ စာမူေတြ ပါေအာင္စစ္ရသည္။ 

ျပီးသြားေတာ့လည္း PDF ေျပာင္းေတာ့ MS Publisher မွာ ေဇာ္ဂ်ီေဖာင့္က ဇာတိျပသည္။ “အ”အကၡရာေတြ “A”ေျပာင္းျပီး၊ “ဥ”ေတြက “U”ျဖစ္ကုန္သည္။ ေသဟ့ဲ နႏၵိယ ဆိုျပီး အေမာဆို႔ရသည္။ ဒါေတာင္ အၾကိမ္ၾကိမ္စမ္းသပ္ျပီးသား။ အေမက Aေမ ျဖစ္ကုန္ျပီး ကိုလင္းဦး နာမည္က လင္းuီး ျဖစ္သြားသည္။ ဒါေပမယ့္ ဘာရမလဲ သံုးေယာက္သား ၾကံလိုက္တာ ေျပလည္သြားသည္။ (ေျပလည္ေအာင္ လုပ္နည္းကို ဟန္သစ္ျငိမ္နဲ႔ ထြန္းေတာက္ေနတို႔က ပို႔စ္ေရးပါလိမ့္မည္။) 

ျပီးျပန္ေတာ့ ဗိုင္းရပ္စ္နာက်ေနတဲ့ က်ဳပ္တို႔ လက္ပ္ေတာ့ပ္ေတြမွာ ဖိုင္ Upload တင္တာ တစ္ေနျပန္သည္။ ဒီတစ္လ စာမ်က္ႏွာ အမ်ားဆံုးျဖစ္သလို ဖိုင္ဆိုဒ္လည္း ယခင္ကထက္ၾကီးသည္။ ေတာ္ေတာ္ၾကီးလုပ္ယူမွ Upload ရသည္။ 

– ၄ –

ကိုင္း…ကိုင္း…ဘ
ီယာဝယ္ၾက။ ျပီးျပန္ေတာ့ က်ဳပ္က အလုပ္မရွိ အလုပ္ရွာျပန္သည္။ “ဖြဲ႔တည္ရာ”အေၾကာင္း သီခ်င္းစပ္ဖို႔။ သူတို႔ႏွစ္ေယာက္ Dinner ထြက္စားတုန္း ေကာက္ေရးလိုက္တာ စာသားရသည္။ သူတို႔ ျပန္ေရာက္ေတာ့ သံစဥ္ရွာမယ္လုပ္တုန္း ေပ်ာက္ေနသည့္ေမာင္အန္႔ၾကီး ေပါက္ခ်လာသည္။ Rocker ေမာင္အန္႔ ကူေတာ့ သီခ်င္းလည္း ကီးေတြ တက္လာသည္။ သံစဥ္ညွိၾကသည္။ (ျပီးသြားရင္ အဲဒီသီခ်င္း တင္ေပးမည္။)

ထြန္းေတာက္ေနက ညဥ္းသည္။ “ဒီေလာက္ပင္ပန္းတာေတာင္ မနားခ်င္ၾကေသးဘူးကိုး”တဲ့။ 

ေဖာမက္ အသစ္ခ်တာေၾကာင့္ ဒီတစ္လ ၾကာရျခင္းျဖစ္သည္။ ေနာက္လမ်ားအတြက္ Procedure ကိုလည္း ေျပာင္းၾကဖို႔ ညွိထားသည္။ က်ေနာ္တို႔ကေတာ့ တစ္ခုခုေပးလိုက္ပါျပီ။ စာဖတ္သူေတြပဲ ေတာ္၏ ေရွာ္၏ ဆံုးျဖတ္ၾကပါကုန္။

Leave a comment

Filed under Announcement, Experience