၂၀၁၉ မှာ စောင့်ကြည့်ရမယ့် ပဋိပက္ခ ၁၀ ခု (၁)

နိုင်ငံတကာ ပဋိပက္ခ စောင့်ကြည့်ရေးအဖွဲ့ (ICG) ရဲ့ ဥက္ကဋ္ဌ ရောဘတ် မော်လီ စာရင်းပြုစုထားတဲ့ ၂၀၁၉ ခုနှစ်မှာ စောင့်ကြည့်ရမယ့် ပဋိပက္ခ ၁၀ ခု ဖြစ်ပါတယ်။ အဲဒါတွေကတော့ ယီမင်၊ အာဖဂန်နစ္စတန်၊ အမေရိကန်-တရုတ် တင်းမာမှု၊ ဆော်ဒီအာရေဗျ – အမေရိကန် – အစ္စရေးနဲ့ အီရန်၊ ဆီးရီးယား၊ နိုက်ဂျီးရီးယား၊ တောင်ဆူဒန်၊ ကင်မရွန်း၊ ယူကရိန်းနဲ့ ဗင်နီဇွဲလားတို့ ဖြစ်ပါတယ်။

၁။ ယီမင်စစ်ပွဲ

ပြီးခဲ့တဲ့နှစ်မှာ နိုင်ငံတကာ ဥပဒေတွေနဲ့ ကင်းလွတ်တဲ့ နေရာပြပါဆိုရင် ယီမင်ကို ပြရမှာ ဖြစ်ပါတယ်။ လူသားချင်း စာနာထောက်ထားမှု ကူညီရေး အကျပ်အတည်း အဆိုးဆုံး ကပ်ဆိုက်နေပြီး တစ်စိတ်တစ်ပိုင်း အပစ်ရပ်ရေးနဲ့ ယုံကြည်မှု တည်ဆောက်ရေး မလုပ်နိုင်ရင် ၂၀၁၉ ခုနှစ်မှာ အခြေအနေ ဆက်ဆိုးနိုင်ပါတယ်။ အဲဒီ အခြေမစိုက်အောင် ကုလသမဂ္ဂ အထူးကိုယ်စားလှယ် မာတင် ဂရစ်ဖစ်စ် ကြားဝင်ပေးဖို့ ကြိုးစားနေတဲ့ အခြေအနေကို အဓိက တာဝန်ရှိသူတွေက ဆုပ်ကိုင်မိဖို့ လိုပါတယ်။

ဆော်ဒီဦးဆောင်တဲ့ လေးနှစ်ကြာ စစ်ပွဲကြောင့် ယီမင်ပြည်သူ ၁၆ သန်း အငတ်ဘေးကြုံနေပါတယ်။ ၂၀၁၄ ခုနှစ်မှာ ဟူသီသူပုန်တွေဟာ နိုင်ငံတကာက အသိအမှတ်ပြုထားတဲ့ ယီမင်အစိုးရကို မြို့တော်ကနေ တိုက်ထုတ်လိုက်ပါတယ်။ ဆော်ဒီအာရေဗျ ဦးဆောင်တဲ့ ညွန့်ပေါင်းအဖွဲ့က ဟူသီသူပုန်တွေကို တိုက်နေပြီး အနောက်နိုင်ငံတွေကလည်း ဆော်ဒီဘက်က ထောက်ခံကြပါတယ်။

ယီမင်စစ်ပွဲအတွင်း အရပ်သား အမြောက်အမြားလည်း သေဆုံးခဲ့ပြီး အငတ်ဘေး၊ ရောဂါဖြစ်ပွားမှုတွေလည်း ခံစားနေရပါတယ်။ အမေရိကန် ဆီးနိတ်ကတော့ ဒီစစ်ပွဲမှာ အမေရိကန် ပါဝင်ပတ်သက်မှုကို တားဆီးပိတ်ပင်ဖို့ မဲခွဲဆုံးဖြတ်ပြီးပါပြီ်။ ယီမင်စစ်ပွဲကို အဆုံးသတ်ဖို့၊ အနည်းဆုံးအားဖြင့် အဆိုးဆုံးတွေကို ရှောင်ရှားနိုင်ဖို့ လိုပါတယ်။
ဥရောပ၊ အိုမန်၊ အီရန်က ဟူသီသူပုန်တွေကို၊ အမေရိကန်က ဆော်ဒီအာရေဗျနဲ့ UAE ကို၊ အဲဒီ ပင်လယ်ကွေ့ နှစ်နိုင်ငံက ယီမင် အစိုးရကို၊ ကွန်ဂရက်က အမေရိကန် အစိုးရကို ဖိအားတွေ ပေးနိုင်ခဲ့ရင် ၂၀၁၉ ခုနှစ်ထဲမှာ ယီမင်စစ်ပွဲဟာ တစ်မျိုးတစ်ဖုံ ပြောင်းလဲသွားနိုင်ပါတယ်။

၂။ အာဖဂန်နစ္စတန်

ယီမင်စစ်ပွဲက ကမ္ဘာ့အဆိုးဆုံး စစ်ပွဲဖြစ်စေသလို အာဖဂန်နစ္စတန်မှာလည်း အပြင်းထန်ဆုံး တိုက်ပွဲတွေ ဖြစ်နေပါတယ်။ ၂၀၁၈ ခုနှစ်အတွင်းမှာ တိုက်ခိုက်ရေးသမားနဲ့ အရပ်သား ၄ သောင်း သေဆုံးခဲ့ပါတယ်။ အမေရိကန် သမ္မတ ထရမ့်က ပြီးခဲ့တဲ့ ဒီဇင်ဘာလမှာ အာဖဂန်နစ္စတန်ကနေ အမေရိကန် တပ်ဖွဲ့ ထက်ဝက်ကို လျှော့ချမယ်လို့ ပြောခဲ့ပါတယ်။

မနှစ်က ဇွန်လမှာ တာလီဘန်နဲ့ အစိုးရတို့ သုံးရက်ကြာ အပစ်ခတ်ရပ်ခဲ့ကြပေမယ့် မကြာခင်မှာပဲ တိုက်ပွဲတွေက ပြန်လည် စတင်ခဲ့ပါတယ်။ တာလီဘန်တွေက အာဖဂန်နစ္စတန် နိုင်ငံရဲ့ ထက်ဝက်နီးပါးလောက်ကို ထိန်းချုပ်ထားနိုင်ပြီး သယ်ယူပို့ဆောင်ရေး လမ်းကြောင်းတွေကို ဖြတ်တောက်တာ၊ မြို့နဲ့ မြို့နယ်တွေကို ထိန်းချုပ်တာတွေ လုပ်ထားပါတယ်။

ဝါရှင်တန်အစိုးရကတော့ မနှစ်က စက်တင်ဘာလမှာ ဝါရင့် သံတမန် ဇယ်လ်မေ ခါလီဇတ်ကို ငြိမ်းချမ်းရေး ကိုယ်စားလှယ်အဖြစ် ခန့်အပ်ခဲ့ပါတယ်။ အာဖဂန်နစ္စတန်ရဲ့ အိမ်နီးချင်းနိုင်ငံတွေနဲ့ အာဖဂန်အရေးမှာ ဝင်ပတ်သက်နေတဲ့ အီရန်၊ ပါကစ္စတန်၊ ရုရှားနဲ့ တရုတ်တို့ကတော့ အမေရိကန် တဖြည်းဖြည်း အာဖဂန်မြေက ရုပ်သိမ်းသွားရေးကို အလိုရှိကြပေမယ့် သူတို့ကတော့ ဆက်လက် ပတ်သက်လိုကြပါတယ်။

မနှစ်က ဇွန်လ အပစ်ရပ်မှုက ငြိမ်းချမ်းရေး ရလိုတဲ့ လက္ခဏာ ဖြစ်ပါတယ်။ ဒါပေမယ့် အာဖဂန် အရေးကတော့ မရေမရာဖြစ်နေပြီး သမ္မတ ထရမ့်ရဲ့ အမေရိကန် တပ်တွေ ရုပ်သိမ်းရေးကလည်း နောက်ထပ် မရေရာမှုတစ်ခုပဲ ဖြစ်ပါတယ်။


၃။ အမေရိကန်-တရုတ် တင်းမာမှု

အမေရိကန်နဲ့ တရုတ်ကြားမှာ ပြင်းထန်တဲ့ ပဋိပက္ခတွေ၊ ဝါရှင်တန်နဲ့ ဘေဂျင်းကြား ကုန်သွယ်ရေး စစ်ပွဲကြောင့် ဘယ်လောက်ခါးသီးမှုတွေ ဖြစ်ဖြစ် ကိစ္စမရှိပါ။ ဒါပေမယ့် အပြန်အလှန် စကားနှုတ်လှန် ထိုးမှုတွေကတော့ နှစ်ဖက် ရန်လိုမှုနဲ့ တိုက်ခိုက်လိုမှုတွေကို ပြသနေတာ ဖြစ်ပါတယ်။

တိန့်နန်မင် အရေးအခင်းနောက်ပိုင်း အနိမ့်အဆင့် အခြေအနေ ရောက်နေတဲ့ အမေရိကန်-တရုတ် ဆက်ဆံရေးဟာ အကယ်၍ ဆက်လက် ဆိုးရွားနေမယ်ဆိုရင် ပထဝီ နိုင်ငံရေးအပေါ် သက်ရောက်မှုတွေ ရှိလာမှာ ဖြစ်ပါတယ်။
သမ္မတ ရှီကျင့်ဖျင်ရဲ့ သမ္မတ သက်တမ်း ကန့်သတ်ချက်ကို ပယ်ဖျက်တာ၊ တရုတ်စစ်တပ်ကို မြန်မြန်တိုးချဲ့နေတာ၊ ကွန်မြူပါတီက တစ်နိုင်ငံလုံးနဲ့ လူ့အဖွဲ့အစည်းကို ထိန်းချုပ်လာနိုင်တာတွေဟာ ဝါရှင်တန်က လူတွေအတွက် တရုတ်ဟာ သမ္မတရှီရဲ့ ဦးဆောင်မှု အောက်မှာ အန္တရာယ်တစ်ခုလို့ သေချာလာစေပါတယ်။

အမေရိကန်ရဲ့ တောင်းဆိုမှုနဲ့ ဟွာဝေး ဆက်သွယ်ရေး ကုမ္ပဏီရဲ့ ဘဏ္ဍာရေး အမှုဆောင်အရာရှိချုပ် မန် ဝန်ဇူကို ကနေဒါက ဖမ်းဆီးပေးပြီးနောက် တရုတ်က လက်တုံ့ပြန်တဲ့အနေနဲ့ တရုတ်နိုင်ငံရှိ ကနေဒါနိုင်ငံသား သုံးဦးကို ဖမ်းဆီး လက်တုံ့ပြန်မှုဟာ ဘေဂျင်းမှာ ဥပဒေဟာ လိုသလို လုပ်လို့ရတယ်ဆိုတာ ပြသနေပါတယ်။ အီရန် နိုင်ငံအပေါ် အမေရိကန် ပိတ်ဆို့အရေးယူမှုကို ဖောက်ဖျက်လို့ မန် ဝန်ဇူကို အမေရိကန်က အလိုရှိနေတာ ဖြစ်ပါတယ်။

အမေရိကန်နဲ့ တရုတ်ကြားမှာ မြောက်ကိုရီးယား အရေး၊ တောင်တရုတ်ပင်လယ် ပြဿနာ၊ ထိုင်ဝမ်နိုင်ငံ အရေးတို့လည်း ရှိနေပါတယ်။

ဘေဂျင်းနဲ့ ဝါရှင်တန်တို့ဟာ လာမယ့် လတွေအတွင်း ကုန်သွယ်ရေးဆိုင်ရာ သဘောတူညီချက် တချို့ကို ရလာနိုင်ပြီး တင်းမာမှု လျော့ကောင်း လျော့နိုင်ပါတယ်။ နှစ်ဖက်ခေါင်းဆောင်တွေကြား ပထဝီ နိုင်ငံရေးနဲ့ စီးပွားရေး တိုးတိုက်မှုဟာ ဆက်လက် ခွာပြဲနိုင်တဲ့ ဆုံချက် ဖြစ်နေနိုင်ပါတယ်။

၎။ ဆော်ဒီအာရေဗျ၊ အမေရိကန်၊ အစ္စရေးနဲ့ အီရန်

၂၀၁၈၊ ၂၀၁၉ ခုနှစ်များမှာလိုပင် တမင်ရည်ရွယ်သောကြောင့် ဖြစ်ဖြစ်၊ မမျှော်လင့်ဘဲ ဖြစ်ဖြစ် အမေရိကန်၊ ဆော်ဒီအာရေဗျ၊ အစ္စရေးနဲ့ အီရန်တို့ ထိပ်တိုက်တွေ့ကြဖို့ အလားအလာ ဆက်ရှိနေပါတယ်။ တဟီရန်အစိုးရရဲ့ ခြိမ်းခြောက်မှု အနေအထား၊ ၂၀၁၅ နျူကလီးယား သဘောတူညီချက် စာချုပ်ကနေ ဝါရှင်တန် နုတ်ထွက်မှု၊ ရီယာ့ဒ်ကလည်း အီရန်ကို လက်ဘနွန်၊ အီရတ်နဲ့ ယီမင်တို့မှာ တန်ပြန်နေမှု၊ အစ္စရေးက အီရန်ဟာ ဆီးရီးယားအရေးမှာ ပါဝင်နေမှုကို သတိထားနေမှုနဲ့ လက်ဘနွန်ရှိ အီရန်က ကျောထောက်နောက်ခံ ပေးထားတဲ့ ဟစ်ဇ်ဘိုလာ ပျောက်ကြားတွေရဲ့ ခြိမ်းခြောက်နေမှုတွေကြောင့် အခုလို သုံးသပ်တာ ဖြစ်ပါတယ်။

အီရန်က ဒုံးကျည်လက်နက် စမ်းသပ်မှုတွေ ပြန်စနေပြီး အမေရိကန်ကလည်း အီရန်အပေါ် စီးပွားရေးပိတ်ဆို့ အရေးယူမှု အပါအဝင် စီးပွားရေးအရ ဖိအားပေးနေပါတယ်။ ယီမင်၊ ပါရှန်ပင်လယ်ကွေ့၊ ဆီးရီးယားနဲ့ အီရတ်တို့မှာ ပဋိပက္ခဖြစ်နိုင်တဲ့ အန္တရာယ်ကိုလည်း လျှော့တွက်လို့ မရပါ။ ဆော်ဒီအာရေဗျနဲ့ အီရန်ကြားမှာလည်း တင်းမာမှု၊ ရန်လိုမှုတွေက ရှိနေပါတယ်။

၅။ ဆီးရီးယား

ဆီးရီးယား ပဋိပက္ခတွေက ဆက်ဖြစ်ဦးမယ့် အရိပ်အယောင် ပြနေပါတယ်။ ဆီးရီးယားသမ္မတ ဘာရှားအာဆတ်ဟာ အီရန်နဲ့ ရုရှား အကူအညီနဲ့ အကြမ်းဖက်သမားတွေကို အနိုင်ရဖွယ် ရှိပါတယ်။ IS အစ္စလာမ် အကြမ်းဖက်အဖွဲ့ကို နှိမ်နင်းမှုက နောက်ဆုံး အခြေအနေကို ရောက်နေပါပြီ။ ပြည်ပက ဝင်ရောက် ပတ်သက်နေတဲ့ နိုင်ငံတွေကလည်း အခြေအနေရဲ့ မျှခြေကို ထိန်းထားကြပါတယ်။ ဆီးရီးယား အနောက်တောင်ပိုင်း ဒေသမှာ အစ္စရေး၊ အီရန်နဲ့ ရုရှား၊ အနောက်မြောက်ဘက်မှာ ရုရှားနဲ့ တူရကီ၊ အရှေ့မြောက်ဘက်မှာ အမေရိကန်နဲ့ တူရကီတို့ ရှိနေပါတယ်။

ကာ့ဒ်လူမျိုး လက်နက်ကိုင်အဖွဲ့ဖြစ်တဲ့ YPG က အမေရိကန် စစ်တပ်နဲ့ မဟာမိတ်လုပ်ထာပြီး IS အဖွဲ့ကို တိုက်နေရာမှာ ဆီးရီးယားနယ်မြေရဲ့ သုံးပုံ တစ်ပုံလောက်ကို ထိန်းချုပ်နိုင်ပြီ ဖြစ်ပါတယ်။ YPG အဖွဲ့ဟာ တူရကီက အကြမ်းဖက်အဖွဲ့အဖြစ် သတ်မှတ်ထားတဲ့ ကာ့ဒ် အလုပ်သမားပါတီနဲ့ ဆက်စပ်နေလို့ တူရကီကို ဆက်လက် ရင်ဆိုင်ရနိုင်ပါတယ်။ ဒါ့အပြင် ရေနံကြွယ်ဝတဲ့ အရှေ့မြောက်ပိုင်းအပါအဝင် တစ်နိုင်ငံလုံးကို ထိန်းချုပ်လိုတဲ့ အာဆတ် အစိုးရနဲ့လည်း ထိပ်တိုက်တွေ့နိုင်ပါတယ်။ အမေရိကန် အတွက်ကလည်း ဆီးရီးယားမှာ ဆက်ရှိမလား၊ ထွက်သွားမလား စဉ်းစားရတော့မှာ ဖြစ်ပြီး ဘယ်အချိန် ထွက်မှာလဲ၊ ဘယ်လို အခြေအနေမှာ ထွက်ခွာမှာလဲ ဖြေရတော့မှာ ဖြစ်ပါတယ်။

သင်ကာ

(ဆက်လက်ဖော်ပြပါမည်)

Advertisements

Leave a comment

Filed under Article, MCN, Politics

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s