ယင်းကျားနဲ့ ယင်းနက် (Yinn Kyar and Yinn Nek)

ယင်းကျားတိုင်းရင်းသားလူမျိုးတို့၏ ပန်လူ့ဖိုင်း(ခေါ်)ရိုးရာမီးရှူးလွှတ်ပြိုင်ပွဲ

စိုင်းဇော်လတ်(လင်းခေး)/ကြေးမုံသတင်းစာ/မေ ၉

စာရေးသူသည် ရှမ်းပြည်နယ်တောင်ပိုင်း လွိုင်လင်ခရိုင် နမ့်စန်မြို့နယ် ပုတ်ပျံကျေးရွာတွင် မေ ၅ ရက်က ကျင်းပခဲ့သော ယင်းကျားတိုင်း ရင်းသားလူမျိုးတို့၏ ပန်လူ့ဖိုင်း(ခေါ်)ရိုးရာမီးရှူးလွှတ်ပြိုင်ပွဲသို့ သွားရောက်ခဲ့ရာ အဆိုပါ ယင်းကျားတိုင်းရင်းသားတို့၏ မီးရှူးလွှတ်တင်ပြိုင်ပွဲ အကြောင်း လေ့လာမှတ်သားမိခဲ့သမျှနှင့် ယင်းကျား၊ ယင်းနက်လူမျိုးစုတို့၏ အခြေခံသမိုင်း၊ လူမျိုးအကြောင်းတို့ကို ရေးသားဖော်ပြလိုက်ပါသည်။

ယင်းကျား၊ ယင်းနက် တိုင်းရင်းသားလူမျိုးစု တို့သည် ရှမ်းပြည်နယ်တောင်ပိုင်း လွိုင်လင်ခရိုင် နမ့်စန်မြို့နယ်အတွင်း၌ အများဆုံးနေထိုင်လျက်ရှိကြသည့် လူမျိုးစုတစ်စုဖြစ်ကြောင်း တွေ့ရှိရသည်။ မြန်မာနိုင်ငံတွင်း တိုင်းရင်းသားလူမျိုးစုများ အသီးသီးနေထိုင်လျက်ရှိကြသည့်အနက်ယင်းကျားနှင့် ယင်းနက်လူမျိုးများမှာ လူဦးရေနည်းပါးပြီး လူမျိုးစုပျောက်ကွယ်လုနီးပါးဖြစ်နေကြောင်း ဒေသခံရွာသူကြီး ဦးလုံးလွယ်(ပုတ်ပျံရွာသူကြီး) လက်ရှိကျေးရွာအုပ်ချုပ်ရေးမှူးက ပြောသည်။

“ကျွန်တော့်နာမည်က ဦးလုံးလွယ်လို့ ခေါ်ပါတယ်၊ ပုတ်ပျံရွာက ရွာလူကြီးဖြစ်ပါတယ်၊ ကျွန်တော်တို့ ယင်းကျား၊ ယင်းနက် လူမျိုးစုဟာ လူအနည်းစုဖြစ်ပါတယ်၊ ပြောရမယ်ဆိုရင် မြန်မာနိုင်ငံအတွင်းမှာ ရှားရှားပါးပါးတွေ့ မြင်ရခဲတဲ့ တိုင်းရင်းသားလူမျိုးစုတစ်စုလို့လည်း ဆိုရပါမယ်၊ ကျွန်တော်တို့ ယင်းကျား ယင်းနက် လူမျိုးတွေက ရှမ်းပြည်နယ်တောင်ပိုင်း လွိုင်လင် ခရိုင် နမ့်စန်မြို့ရဲ့ အရှေ့တောင်ဘက် ကျေးရွာတွေမှာ ယင်းကျားလူမျိုးတွေ အများဆုံးနေထိုင်ကြပြီး မြို့ရဲ့ အနောက်မြောက်ဘက်ခြမ်းမှာတော့ ယင်းနက်လူမျိုးစုတွေ နေထိုင်လျက်ရှိကြပါ တယ်” ဟု ပြောသည်။

မီးရှူးလွှတ်ပြိုင်ပွဲနှင့် ပတ်သက်၍လည်း “ယင်းကျားနဲ့ ယင်းနက်လို့ အခေါ်အားဖြင့်တူနေပေမယ့် ကျွန်တော်တို့ ယင်းကျားနဲ့ယင်းနက်လူမျိုးတို့ရဲ့ ဓလေ့ရိုးရာကတော့ တစ်မျိုးစီပါပဲ၊ အနည်းငယ်ကွာခြားပါတယ်၊ ကျွန်တော်တို့ အခု ကျင်းပတဲ့ ယင်းကျားရိုးရာ မီးရှူးလွှတ်ပြိုင်ပွဲကတော့ ရှေးနှစ်ပေါင်းများစွာကတည်းကနေဒီကနေ့အထိပဲ ဖြစ်ပါတယ်၊ နှစ်စဉ်နှစ်တိုင်းကဆုန်လပြည့်နေ့မှာ ကျင်းပလေ့ရှိတဲ့ ယင်းကျားလူမျိုးရိုးရာဓလေ့ မီးရှူးလွှတ်ပြိုင်ပွဲကို ယင်းကျားအခေါ် ပန်လူ့ဖိုင်း(မီးပူဇော်ပွဲ)လို့ ခေါ်ပါတယ်၊ ရှမ်းဘာသာစကားအရ ပန်နူဖိုင်းလို့လည်း ခေါ် ကြပါတယ်” ဟု ၎င်းက ဆက်လက် ရှင်းပြသည်။

ယင်းကျားလူမျိုးတို့၏ရိုးရာ မီးရှူးလွှတ်တင် ပြိုင်ပွဲသည် နှစ်စဉ်နှစ်တိုင်း ကဆုန်လပြည့်နေ့တွင် ကျင်းပသော ပွဲတော်တစ်ခုဖြစ်ကြောင်း၊ အခါအားလျော်စွာ ကဆုန်လပြည့်နေ့၌ မကျင်းပဖြစ်ခဲ့လျှင်လည်း ကဆုန်လဆုတ် ၄ ရက်၊ ၅ ရက်နေ့တို့တွင် ပြုလုပ်ကျင်းပကြကြောင်း၊ မီးရှူး လွှတ်ပြိုင်ပွဲသည် ယင်းကျားလူမျိုးတို့၏ ဓလေ့ရိုးရာပွဲများ၌ တစ်ပွဲအပါအဝင်ဖြစ်ကြောင်းလည်း သိရသည်။

အဆိုပါပြိုင်ပွဲတွင် မီးရှူး တာလွှတ်သည့် နေရာနှင့် တာဖမ်းသည့်နေရာ ထားရှိပြီး ကျယ်ပြန့်သော မြေပြင်ကွင်းပြင်၌ ကျင်းပရသည်။ တာဖမ်းနှင့် တာလွှတ်ဒိုင်များ ထားရှိကြရပြီးတာဖမ်းနေရာကို ဂိုးဟု သတ်မှတ်ခေါ်ဆိုကြသည်။

မီးရှူး လွှတ်ပြိုင်ပွဲတွင် တိုင်းရင်းသားတို့သည် အဖွဲ့အလိုက် မီးရှူးများပြုလုပ်၍ ဝင်ရောက်ယှဉ် ပြိုင်ကြသည်။ “အမှတ်စဉ်အလိုက် အလှည့်ကျ မီးရှူးများ လွှတ်တင်ကြပြီးနောက် သတ်မှတ် ထားသည့် မီးရှူးဂိုးဝင်၊ ဂိုးအပြင် စည်းများ အတိုင်း ဂိုးနှင့်အနီးဆုံး၊ အဝေးဆုံးရောက်ရှိ သည့်အပေါ် အမှတ်ပေးစနစ်ဖြင့် အနိုင်အရှုံးကို သတ်မှတ်ကြသည်။ သတ်မှတ်ထားသော ဂိုးဧရိယာအတွင်းသို့ ပန်းဝင်လာသောမီးရှူး၏ အဝေးဆုံး ရောက်ရှိလာသည့် မီးစံချိန်ကို ဂိုး စောင့်ဒိုင်များက စာရင်းကောက်ယူကာ ပထမ၊ ဒုတိယ၊ တတိယဟု အဆင့်ရယူကြသည်။ ပြိုင်ပွဲကျင်းပသောကွင်းတွင် အလှည့်ကျ မီးရှူးလွှတ်တင်မည့် စင်မြင့်တစ်ခု တည်ဆောက် ပေးထားသည်။ ပြိုင်ပွဲဝင်အဖွဲ့များသည် မိမိတို့ မီးရှူးကို မီးရှူးလွှတ်စင်တွင် စနစ်တကျ တင်ပြီး ပါက စနက်တံကိုမီးရှို့ ၍ လွှတ်တင်ကြသည်။ ၎င်း ပွဲတော်ရက်တွင် ရိုးရာမီးရှူး အလုံး ၄၀၊ ၅၀ နှင့် အထက် ပြိုင်ပွဲဝင် လွှတ်တင်ကြသည်ဟု ပြိုင်ပွဲ ကျင်းပရေးကော်မတီမှ တာဝန်ရှိသူတစ်ဦးက ပြောကြားသည်။

မီးရှူးကို ပြင်ဆင်ပြုလုပ်ထားပုံမှာ အကြီး၊ အငယ်၊ အလတ်ဟု အရွယ်အစား သုံးမျိုး ပြုလုပ် ယှဉ်ပြိုင်လေ့ရှိကြောင်း သိရသည်။ မီးရှူးတွင် ယမ်းစိမ်းကိုထောင်းထည့်ကာ သံဘူးဖြင့် ပြုလုပ် ကြောင်း၊ အရှည် ရှစ်လက်မမှ ၁၀ လက်မခန့်ရှိပြီး လုံးပတ်တစ်လက်မခွဲမှ နှစ်လက်မခန့်တုတ်သော လက်လုပ် ရိုးရာမီးရှူးများဖြစ်ကြောင်း၊ စနက်တံ အဖြစ် ရှမ်းစက္ကူ(မိုင်းကိုင်စက္ကူ)ကို ကြိုးသဏ္ဌာန် ကျစ်၍ အသုံးပြုထားကြောင်း စာရေးသူ လေ့လာတွေ့ရှိခဲ့ရသည်။

ပြိုင်ပွဲအပြီးတွင် ဆုရရှိကြသောအဖွဲ့များအား ပြိုင်ပွဲကျင်းပရေး တာဝန်ရှိသူများက ဆုများ အသီးသီးချီးမြှင့်ပေးခဲ့ကြသည်။ အဆိုပါ ပြိုင်ပွဲတွင် အနိုင်ရရှိကြသော မီးရှူးအဖွဲ့များအနေဖြင့် အနိုင်ရရှိမှုအတွက် ဂုဏ်ယူဝမ်းမြောက်ဝမ်းသာ ဖြစ်ကာ ယင်းကျားရိုးရာ တေးသီချင်းများကို အဖွဲ့လိုက် သီဆို၊ ကခုန် ပျော်မြူးလေ့ရှိကြသည်။

နှစ်စဉ်နှစ်တိုင်း ကဆုန်လပြည့်နေ့တွင်ကျင်းပသည့် ရှမ်းပြည်နယ်တောင်ပိုင်း လွိုင်လင်ခရိုင် နမ့်စန်မြို့နယ်နှင့် ငါးမိုင်ခန့်အကွာတွင်နေထိုင်ကြသော ယင်းကျားလူမျိုးစု တိုင်းရင်းသားတို့၏ ရိုးရာမီးရှူးလွှတ်တင်ပြိုင်ပွဲသို့ စာရေးသူ မေ ၅ ရက်က တစေ့တစောင်း သွားရောက်လေ့လာခဲ့ရသည်များမှ အနည်းငယ် ရေးသား တင်ပြလိုက်ရပါသည်။ ။

Leave a comment

Filed under Anthropology, Ethnic Minority, Research, Shan

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s