ပန်းချီဆွဲ၍ ရိုက်လိုက်သည် (၁)

House Sketch

House Sketch

ငယ်ငယ်ကတည်းက ပန်းချီက သန္ဓေပါ ဝါသနာ။

နံရံပေါ် မီးသွေးနဲ့ ရေးတယ်။ မြေကြီးပေါ် တုတ်နဲ့ခြစ်တယ်။ ကျောင်းတက်တော့ သင်္ချာစာအုပ်က ထူတယ်။ အဲဒီမှာ ပုံတွေ ရေးတယ်။ လွတ်သမျှ အကုန်ရေးနေတာပဲ။ သင်္ချာချိန် ပျင်းစရာကောင်းတော့ ပန်းချီတွေပဲ ခိုးဆွဲတော့ သင်္ချာကို အခြေခံမပိုင်ခဲ့။ ခုထိ စိတ်တွက်လည်း မရ၊ အသေးအဖွဲကအစ ခြေချိုး၊ လက်ချိုး။ မရရင် ဂဏန်းပေါင်းစက်ဖွင့်။ (Dip. D.S ဘွဲ့လွန်တက်တော့ မိုက်ခရို/မက်ခရို အီကိုနော့မစ်တွေ သင်ရ၊ ငါးပါးမှောက်၊ အတွက်တွေကို အလွတ်ကျက် ဖြေခဲ့၏။) မူလတန်းတုန်းက အများဆုံးဆွဲတာက ဗန္ဓူလပုံ၊ လေထီးနဲ့ ဆင်းလာတဲ့ စစ်သားပုံနဲ့ မြင်းပုံ။ လူပုံတွေဆွဲရင် ဘာလိုနေမှန်းမသိဘူး။ တခုခုလိုနေမှန်းတော့ သိတယ်။ ဆရာမရှိ။ နည်းနည်း ကြီးလာတော့မှ လည်ပင်းထည့် မဆွဲမိလို့ဆိုတာ သတိပြုမိတယ်။ ခေါင်းနဲ့ကိုယ်နဲ့ လည်ပင်းမပါ၊ ဇက်ကြီးခိုင်နေတာကိုး။

သူများ ဗလာစာအုပ် အလယ်ခေါင်မှာ ပန်းချီအမြဲဆွဲပေးရတယ်။ ပြီးရင် ဆွဲဖြုတ်သိမ်းရုံပဲလေ။ တရက်ကျတော့ သင်္ချာဆရာမ အချိန်ပဲ၊ အိမ်စာ စာအုပ်ထပ်တော့ ကိုယ်က စာလည်းပြီးတယ်၊ မှန်လည်းမှန်တယ်။ ပန်းချီဆွဲခိုင်းတဲ့ သူငယ်ချင်းက ပုံဆွဲထားတဲ့ စာရွက်ကို မဖြုတ်မိဘူး။ အကြားကြီး ဖိရေးတော့ စာအုပ်က လှန်တဲ့အခါ ပန်းချီဆွဲတဲ့ စာမျက်နှာကို တည့်တည့်ကြီး သွားပွင့်တယ်။ ကိုယ့်မှာ အိမ်စာလုပ်ခဲ့ရက်သားနဲ့ ခြေသလုံးကို ကြိမ်နဲ့ အဆော်ခံရပါရော။

အိမ်ပြန်တော့ အဖွားက မြင်တယ်။ ငါ့မြေး ဘယ်သူရိုက်သလဲဆိုပြီး ဒေါသပုန်ထရော။ အဲဒီ သင်္ချာဆရာမအိမ်က ကျနော်တို့အိမ် အနောက်တည့်တည့်ပဲဗျ။ အဖွားနဲ့ အမေနဲ့ ချီတက်သွားပြီး ရန်သွားတွေ့ပါလေရော။ ဆရာမကလည်း ကက်ကက်လန်ဆိုတော့ နောက်ဆုံး ကျောင်းအုပ်နဲ့ တိုင်မယ်၊ တပ်ရင်းမှူးဆီပါ တက်တိုင်မယ် ဖြစ်ကြရော။ တကယ်လည်း သွားတိုင်တယ်။

ဇာတ်လမ်းကို ချုပ်တော့ ဆရာမက နေ့လည် ထမင်းစားချိန် အိမ်ပြန် ထမင်းစားတယ်။ သူ့ယောက်ျားနဲ့ ရန်ဖြစ်လာတယ်။ စိတ်မကြည်တဲ့အချိန် အိမ်စာစာအုပ်စစ်တော့ ကျနော် သူများစာအုပ်ထဲ ပန်းချီဆွဲပေးထားတာ တွေ့တော့ ဒေါသကို ထွက်ပေါက်ပေးလိုက်တယ်။ ကိုယ်က ပိန်ပိန်၊ ဖြူဖြူနဲ့ ပိုးဟပ်ဖြူ၊ အရှိုးရာကထင်း။ အဖွားနဲ့ အမေကတွေ့။ ပြဿနာတက်ပေါ့။ ဒါပေမယ့် ပန်းချီကို စိတ်မနာဘူး။ အိမ်ကလည်း အနုပညာ မျိုးရိုးမရှိပေမယ့် အဖေက ပန်းချီကို စိတ်နာတော့ အားသိပ်မပေးဘူး။

အဖေ ပန်းချီကို ဘယ်လိုစိတ်နာသွားတယ်ဆိုတာ ရယ်စရာတော့ အကောင်းသား။ အဲဒါ နောက်မှ ဆက်ပြောဦးမယ်။

သင်ကာ @ ခက်ထန်
(အားတော့ ဆက်ရေးမယ်)

Advertisements

Leave a comment

Filed under Art

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s