Usage

အသုံးအနှုန်း

တနေ့ကတော့ သင်တန်းမှာ စကားလုံး အသုံးအနှုန်းတွေ အကြောင်း ပြောဖြစ်ကြတယ်။ ဒါကတော့ ဖြင့် ဒုတိယအကြိမ်ပါ။

အထူးသဖြင့် စာနယ်ဇင်းများဟာ လူထုအဆင့် ဘယ်လောက် အထိ နားလည်အောင် ရေးသင့်တယ် ဆိုတာပါပဲ။

ပထမ ကိစ္စကတော့ gay ပါ။ အခြောက်ဆိုရင် လူတိုင်း သိပါတယ်။ ဒါပေမယ့် လူ့အခွင့်အရေး ဘာညာတွေနဲ့ ကိုင်ပေါက်ပြီး သူတို့ စိတ်ကြိုက် လိင်တူ ချစ်သူ ဆိုပြီး လုပ်လာတယ်။

အဲဒါကို သာမာန်လူတွေ နားလည်နိုင်ပါ့မလား။ ရွာဦးကျောင်းက ဆရာတော်ကို အဲလို သွားသုံးမိရင် ကြိမ်လုံးနဲ့ ထိပါမယ်။ ဆိုက်ကားသမားကို သွားပြောမိရင် ဆဲနေသလား ထင်မယ်။

ဒါဖြင့် ဘာသုံးမလဲ။ အခြောက်ထက် ယဉ်ကျေးတယ် ထင်ရတဲ့ မိန်းမလျှာလား။ ဒါမှ မဟုတ် သာမန်လူတွေ နားမလည်နိုင်တဲ့ ပါဠိ အနေနဲ့ နပုံသကပဏ္ဍုပ်လား။

ထိုင်းလို လိင်ပါ ပြောင်းပစ်တာကိုတော့ မြန်မာတွေက ဖြတ်-ဖောက်-ချုပ် ဆိုပြီး ခနဲ့ပြီး ခေါ်ပါတယ်။

မိန်းမလျှာဆိုတာ အများလည်း နားလည်၊ ရိုင်းလည်း မရိုင်းဘူး ယူဆပါတယ်။ မြန်မာ့ယဉ်ကျေးမှုက ဒီလောက် ခွင့်ပြုတာ မဆိုးဘူး ထင်ပါတယ်။

အနောက်နိုင်ငံတွေမှာလို ဘဝင်မကျစရာတွေက ယောကျာ်းက မိန်းမပြောင်း၊ ပြောင်းပြီးမှ မိန်းမနဲ့ ပြန်ကြိုက်၊ မိန်းမက ယောကျာ်းပြောင်း၊ ပြောင်းပြီးကာမှ ကိုယ်ဝန်ဆောင် ဆိုတဲ့ ထော်လော်ကန့်လန့်တွေ နည်းမယ် ထင်ပါတယ်။

နောက်တခုက prostitute ပါ။ မြန်မာစကား ရှိပါတယ်။ ပြည့်တန်ဆာပါ။ ပိဋကတ်စာပေမှာတောင် အဲသလိုပဲ သုံးတာပါပဲ။ အရိုင်းဆုံးက ဖာ ပါ။ အဲဒါကို လိင်အလုပ်သမ၊ ကိုယ်ခန္ဓာကိုယ်နဲ့ ရင်းစားသူ၊ ညဉ့်ငှက်၊ အပျော်မယား၊ အချိန်ပိုင်း မယား၊ ကာမ ဝယ်ယူသည်၊ ဇယား၊ လိုင်း၊ ကက စုံနေအောင် ခေါ်ကြတာက လူဘယ်လောက် နားလည်မလဲဆိုတာ စာနယ်ဇင်းပညာမှာက သတိထားစရာ ဖြစ်ပါတယ်။

နောက်တခုဆွေးနွေးဖြစ်ကြတာက rape ပါ။ စော်ကားသည်၊ ဗလက္ကာယပြုသည်၊ မတရားပြုကျင့်သည်၊ သားမယားပြုသည်၊ လိင်ပိုင်းဆိုင်ရာ ကျုးလွန်သည်၊ ကာမဂုဏ် အလိုလိုက်သည်၊ ကာအိန္ဒြေထိပါးသည် စသည်ဖြင့် သုံးတာပါပဲ။ စာဖတ်သူ ဘယ်လောက် နားလည်မယ်ဆိုတာတော့ လူတိုင်းကို ဖတ်ခိုင်းကြည့်မှ သိမှာပါပဲ။
ကျနော်တို့ ဆရာကတော့ မုဒိန်းမှုလို့ပဲ ကွက်ကနဲ နေအောင် သုံးပါသတဲ့။

သာမန်မှာ သတင်းစာတိုက်များဟာ အလယ်တန်းအောင်တဲ့ ပြည်သူ ဖတ်နိုင်လောက်အောင် ရေးပြတတ်ရမယ်လို့ သတိပြုပါသတဲ့။ ဒါမှ လူတိုင်း လက်ထဲကို ရောက်မှာကိုး။ အဲဒီတော့ တခါတလေ မြန်မာမှာ ကျနော်တို့ သုံးနေတာတွေရော လူသူလေးပါး နားလည်ရဲ့လား ဆိုတာ စဉ်းစားသုံးသပ်မိပါတယ်။

အောက်ပါ စကားလုံးတွေကို သေချာ စဉ်းစားကြည့်ပါ။ သေချာရော သိရဲ့လားဆိုတာ

အမျိုးသား ပြန်လည် သင့်မြတ်ရေး
ပတ္တနိတ္တုဇန ကံ
ဒီမိုကရေစီ
မဲပေးခြင်း
လိုအပ်သည်များကို မှာကြား
နိုင်ငံတော်
နိုင်ငံတော်၏ စေတနာ
နိုင်ငံတော် အကြီးအကဲ
အခွန်
ပြည်ထောင်စု
ဖက်ဒရယ်
အဝေးရောက် ဝန်ကြီး
ပြည်ပြေး အစိုးရ
ဂျာနယ် နှင့် သတင်းစာ ကွာခြားချက်
တိုင်းရင်းသား
ဗမာနှင့် တိုင်းရင်းသား
ဗမာနှင့် မြန်မာ
စစ်အစိုးရ
အစိုးရ

Advertisements

Leave a comment

Filed under Journalism, Language

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s