I Step Twice into the Reversed River Flow

ပြောင်းပြန်စီးသောမြစ်ထဲသို့ ၂ ကြိမ်ဆင်းသည်

စာရေးမည်ဆိုလျှင် စဉ်းစားအပ်သည်မှာ အနုပညာဖြစ်သည်။ သို့သော် ကျုပ်ကတော့ ဖောင့်အကြောင်းနှင့် စာရိုက်ရင် ညာလက်ညိုးတစ်ချောင်းထဲကို အုပ်စုံမသုံးရေးဖြစ်နေရသည်မှာ ဘယ်သူ့ အပြစ်လဲ။ ဖောင့်ပညာရှင်လား၊ ကွန်ပြူတာကို မသင်ခဲ့ရလို့လား၊ ငါကိုယ်တိုင်မှားသလား။

ငယ်ငယ်က ပြည့်စုံနေခဲ့ချိန်မှာ ခံစားစံစားမှုကို နားမလည်ဘူး။ နားလည်ချိန်မှာ ပြည်စုံမှုတွေလည်း မရှိကြတော့ဘူး။ ဒါကြောင့် ကျုပ်ဟာ ငါးထောင်တန်အုပ်ဆိုရင်တောင် သေချာတယ်၊ တစ်ရွက်လိုနေမယ့်ကောင်။

Photo: from Internet

မိသားစုတန်ဖိုးကို နားမလည်ခဲ့၊ နားလည်ချိန်မှာလည်း ပျောက်ဆုံးတဲ့ဘုံ ဖြစ်သွားပြီ။ လူမှုတန်ဖိုးတွေကို ဟားတိုက်နေခဲ့ရင် ခင်ဗျား ကျုပ်ကို နားလည်ပေးနိုင်မှာ မဟုတ်ဘူး။

ချစ်ခဲ့ဖူးတယ်၊ အဆုံးရှုံးခံခဲ့တယ်၊ သူလိုငါလို အသည်းကွဲခဲ့တယ်၊ သူလိုငါလိုပဲ ရူးမိုက်ခဲ့တာကို ပြန်သတိရခဲ့တော့ ရယ်တယ်၊ သူလိုငါလိုပဲ နာကျင်ခဲ့ပါတယ်။

ချစ်ချင်ခဲ့တယ်၊ အနားမှာ ဘယ်သူမှ မရှိခဲ့ပါဘူး။ မချစ်နိုင်တော့ဘူး၊ မချစ်လိုတော့ဘူး၊ အနားကို တစ်ယောက်ပြီးတစ်ယောက် ရောက်လာတယ်။

ကျုပ်ပြောပြမယ်။ အချစ်ဆိုတာ အပြာရောင်စာရွက်ပေါ်မှာ စကာလုံးချိုချိုလေးတွေနဲ့ ရေးဖူးတဲ့ကဗျာ။ အချစ်ဆိုတာ အပြိုင်ပြေးနေတာကို အဓိပ္ပာယ်တွေးပြီးဆွေးရတဲ့ ရထားလမ်းပေါ်ခေါင်းငိုက်စိုက် လျှောက်ဖူးတဲ့ အချိန်တွေ။ အချစ်ဆိုတာ ဘီအီးကို ရေမရောဘဲ မူးမှ ရောချ ငိုကျွေးဖူးတဲ့ အားငယ်မှုတွေ။ အချစ်ဆိုတာ ဂျင်းဘောင်းဘီ အောက်နားကို ဖွာအောင်လုပ်ပြီး မရှိမဲ့ရှိမဲ့ကို ဖိနပ်တစ်ရံ လုပ်ခဲ့ရဖူးတဲ့ မာရ်နတ်စေစားမှုတွေ။ အချစ်ဆိုတာ သူပျော်စေတော့လို့ ကွယ်ရာက သူမသိအောင် လိုက်လျောခဲ့ရတဲ့ ကျုပ်အခုထိနားမလည်သော ပေးဆပ်မှုတွေ။ အချစ်ဆိုတာ ဂစ်တာတီးတာကို အဓိပ္ပာယ်ရှိသွားအောင် ဖြည့်စွက်ပေးတဲ့ ခံစားမှု။

အချစ်ဆိုတာ ကုန်ဆုံးသွားတတ်တယ်။ အစစ်ဆိုတာ များများမရှိနိုင်ဘူး။ ပန်းချီတစ်ကားကို နှစ်ကြိမ်ပြန်ဆွဲလို့မရဘူး။ စိုင်းထီးဆိုင်က မောင့်လပြည့်ဝန်းသီချင်းကို နှစ်ကြိမ်ပြန်ဆိုလို့ မရဘူးတဲ့။ ငါလည်း နှစ်ခါပြန် ချစ်လို့မရဘူး။ အားလုံးပဲ မြစ်ထဲကို နှစ်ကြိမ်ဆင်းကြပါတယ်။ အချစ်ဆိုတာကိုလည်း နှစ်ကြိမ်ထက်မနည်း ဖန်ဆင်းကြပါတယ်။ ကျုပ်က ဟောလိဝုဒ်ကားတွေကို နှစ်ကြိမ်ကြည့်တယ်၊ ဖီလိုဆိုဖီစာအုပ်တွေကို နှစ်ကြိမ်ဖတ်တယ်။

ကျုပ်တို့ဟာ လိုချင်ခဲ့ကြတယ်။ ဆန်းတာက အချိန်တိုင်း လိုချင်မှုဟာ တည်မြဲမနေဘူး။

ကျုပ်တို့ဟာ မြစ်ထဲကို နှစ်ကြိမ်ဆင်းကြပါတယ်။ ပြောင်းပြန်စီးဆင်းစေချင်းအားဖြင့် ဆင်းကြပါတယ်။ ဤနည်းအားဖြင့် ကျုပ်ဟာ “ဟီရာကလိုက်တပ်”ကို လိမ်ခဲ့တယ်*။ ခင်ဗျားရော လိမ်ဖူးပါသလား။ ကျုပ်တို့ဟာ မြစ်ထဲကို နှစ်ကြိမ် ဆင်းကြပါတယ်။

သင်ကာ

(ပြီးချင်လည်း ပြီးပါပြီ။ မပြီးသေးချင်လည်း မပြီးသေးဘူး။)

*You can’t step into the same river twice – Heraclitus



Advertisements

2 Comments

Filed under Essay

2 responses to “I Step Twice into the Reversed River Flow

  1. လာလည္ပါတယ္
    ဖတ္ပါတယ္

  2. ကၽြန္ေတာ္ဆင္းခဲ႔တဲ႔ ျမစ္က အေသၾကီး..ဗ်

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s