Knight

နိုက် (Knight) သူရဲကောင်းများ၏ ဒဏ္ဍာရီ

(သမိုင်းအလင်္ကာထဲမှ မုသားများကို တူးဆွခြင်း)


သင်ကာ

အရှေ့တိုင်း ဂျပန်ပြည်မှ ဆာမူရိုင်း သူရဲကောင်းများကဲ့သို့ပင် အလယ်ခေတ်ဥရောပမှ နိုက် (Knight) ခေါ် သူရဲကောင်းများအကြောင်းကို ကျွန်ုပ်တို့ စိတ်ကူးယဉ် ဒဏ္ဍာရီဆန်ဆန် သိထားကြသည်။ အချို့ကလည်း နိုက်ကို မြင်စီး သူရဲကောင်းဟု ကင်ပွန်းတပ်ကြသည်။ နိုက်သူရဲကောင်းတို့၏ ဘဝသည် တကယ်ပင် စိတ်ကူးယဉ်ဆန်လေသလော။ ခေတ်စကားနှင့် ပြောရလျှင် ဟီးရိုးများပေလော။

သူတို့သည် အေးစက်စက်ရှိလှသော ရဲတိုက်ကြီးများတွင် နေကြသည်။ သူတို့သည် စစ်မြေပြင်တွင် သွေးအေးသည်။ ဖျတ်လတ်သည်။ စွမ်းစွမ်းတမံ ဆောင်ရွက်သည်။ အနည်းငယ်သော အချိန်မျှသာ အိပ်သည်။ သတိအမြဲ ရှိသည်ဟု ကျွန်ုပ်တို့သိကြသည်။ များစွာသော နိုက်တို့သည် ငယ်ငယ်ရွယ်ရွယ်တွင် သေကြသည်။

သူတို့သည် လူဆိုးလက်ထဲမှ ကောင်မလေးကို ဝင်ကယ်သူများလည်း မဟုတ်ကြပါ။ ဥရောပရှိ နိုက်သူရဲကောင်း အများစုမှာ မွဲမွဲတေတေဖြင့် သေရသည်။ သမိုင်းဆရာတစ်ဦး၏ အလိုအရမူ နိုက်တို့သည် ဒဏ္ဍာရီဆန်ဆန် စစ်ပွဲများထက် ပိုက်ဆံရှာရင်း ဘဝတွင် အချိန်ကုန်ရသည်ဟု ဆိုသည်။

နိုက်တို့သည် စီးချင်းထိုး လက်စွမ်းပြပွဲများ ကစားကြသည်ဟုလည်း ကျွန်ုပ်တို့ သိထားကြသည်။ အမှန်တကယ်တွင် ထိုသို့ မဟုတ်ပါ။ အလယ်ခေတ်နှောင်းပိုင်းကာလတိုင်အောင် စီးချင်းထိုး လက်ရည်စမ်းပွဲများ ခေတ်မစားသေးပါ။ စီးချင်းထိုးပွဲများသည် ဟောလိဝုဒ်ရုပ်ရှင်များတွင် ပြသသကဲ့သို့ ရင်သပ်ရှုမောစရာ မရှိပါ။ အများအားဖြင့် “မတော်တဆမှု”များဖြင့် အဆုံးသတ်ရသည်က များပါသည်။ ဥပမာ – နိုက်သူရဲကောင်း ရော်ဂျာဒီလန်ဘန်ကဲ့သို့ အသွားတုံးလှံတံအစား တကယ့် အသွားထက်လှံတံကို “မတော်တဆ”ယူသုံးမိသဖြင့် ပြိုင်ဘက် မြင်းစီးသမားသေရခြင်းမျိုးဖြစ်သည်။ ဤကဲ့သို့သော မတော်တဆမှုတွေ များလာသဖြင့် နောက်ပိုင်းတွင် ကက်သလစ်ကျောင်းတော်နှင့် ပြင်သစ်မင်းစိုးရာဇာတို့က မြင်းစီးချင်းထိုးပွဲများ ပိတ်ပင်ရန် ထောက်ခံအားပေးခဲ့ခြင်းဖြစ်သည်။

နိုက်သူရဲကောင်းများ အရောင်တဖိတ်ဖိတ်ဖြင့် ချပ်ဝတ်တန်ဆာများ ဆင်ထားသည်ဟု ကျွန်ုပ်တို့သိကြသည်။ ထိုသို့လည်း မဟုတ်ပါ။ အမှန်တကယ်တွင် အလယ်ခေတ်နိုက်သူရဲကောင်းများသည် ရိုးရိုး ကြေးမျှင်ယက် ဝတ်စုံများသာ ဝတ်ဆင်ကြပါသည်။ တဖိတ်ဖိတ်လက်သော ချပ်ဝတ်တန်ဆာတို့သည် အလယ်ခေတ်နှောင်းပိုင်းအထိ မပေါ်သေးပါ။

နောက်တစ်ချက်ပြောစရာရှိသည်မှာ နိုက်သူရဲကောင်းများ၏ “စံပြကျင့်ဝတ်”ဖြစ်သည်။ ကျင့်ဝတ်ရှိသည်မှာ အမှန်ပင် ဖြစ်ပါသည်။ သို့သော် ယင်းတို့၏ ကျင့်ဝတ်မှာ အနည်းငယ် ဆန်းကောင်း ဆန်းနေပါလိမ့်မည်။ ဆိုကြပါစို့။ ခင်ဗျားသည် နိုက်သူရဲကောင်းတစ်ဦးဖြစ်ပြီး ပြန်ပေးဆွဲမှုတစ်ခုကို လုပ်မည်ဆိုပါစို့။ ကျင့်ဝတ်အရလုပ်ခွင့်ရှိပါသည်။ ကျင့်ဝတ်သတ်မှတ်ချက်အရ ယင်းသို့ ပြန်ပေးဆွဲ ငွေညှစ်ရလောက်အောင် “လက်ခံနိုင်သော အကြောင်းပြချက်”ပေးနိုင်ရမည်ဟု ဆိုပါသည် မည်သို့သော ငွေညှစ်ခြင်းသည် လက်ခံနိုင်လောက်သော ဘောင်တွင် ဝင်ပါသနည်းဟု မေးရန်သာရှိသည်။ မည်သည့် အကြောင်းပြချက်မဆို ဖြစ်နိုင်သည်။ ထို့ကြောင့် နိုက်သူရဲကောင်းများ၏ “စံပြကျင့်ဝတ်”သည် ကြားကောင်းသည်။ သို့သော် လိုရာဆွဲ၍ ရသည်ဟု ကောက်ချက်ချရပေမည်။

ဂွကျသည့် အခြားကျင့်ဝတ်တစ်ခုမှာ “လူကြီးလူကောင်းတစ်ယောက်သည် အခြား လူကြီးလူကောင်းတစ်ယောက် အပေါ်၌သာ လူကြီးလူကောင်းဆန်ဖို့လိုသည်”ဟူသော အချက်ဖြစ်သည်။ ထို့ကြောင့် နိုက်သူရဲကောင်းသည် ကိုယ်နှင့် အဆင့်မတူသော လယ်သမားတစ်ဦးကို နှိပ်စက်ကလူပြုခွင့်ရှိသည်ဟု ဆိုရာရောက်သည်။


နိုက်သူရဲကောင်းတို့နှင့် စပ်လျဉ်း၍ အခြားဒဏ္ဍာရီတစ်ခုမှာ သူတို့သည် အမြဲတမ်း စီးတော်မြင်းများနှင့် တိုက်ပွဲဝင်ကြသည်ဟူသော ကိစ္စဖြစ်လေသည်။ အင်္ဂလိပ်နိုက်သူရဲကောင်းများမှာ မြင်းမစီးကြပါ။ နှစ်တစ်ရာစစ်ပွဲအတွင်း ပြင်သစ်တို့သည် ခြေကျင်လာတိုက်ကြသော အင်္ဂလိပ်နိုက်သူရဲကောင်းများကို အမြဲ “ဟား”ခဲ့ကြသည်။ သို့သော် အင်္ဂလိပ်တို့က အနိုင်ရသောအခါ ပြင်သစ်တို့ အံ့သြခဲ့ကြပါသည်။

အဘယ့်ကြောင့် အင်္ဂလိပ်တို့ မြင်းစီး၍ မတိုက်ကြသနည်း။ အရေးပါသောအချက်တစ်ချက်မှာ မြားရှည်များသုံးသော လေးသည်တော်များသည် မြင်းကျောပေါ်မှ နိုက်သူရဲကောင်းကို အလွယ်တကူ အနိုင်ယူနိုင်သည်ဟူသော အချက်ဖြစ်သည်။ ပဉ္စမမြောက်ဟင်နရီသည် အေဂျင်ကော့ အရပ်တွင် ပြင်သစ်တို့ကို ဤနည်းဖြင့် အနိုင်ယူခဲ့သည်။

တဖန် အင်္ဂလိပ်နိုက်သူရဲကောင်းများအကြောင်း ထပ်ပြောစရာရှိပါသည်။ အများစုသော နိုက်တို့မှာ တိုက်ပွဲမဝင်ဖူးဟု ဆိုလျှင် ယုံချင်မှ ယုံပေမည်။ သမိုင်းဆရာ ဆစ်ဒနီ ပိန်တာ၏ အဆိုအရ အင်္ဂလိပ်နိုက်အများစုသည် အခွန်ပုံမှန်ပေးသည်မှလွဲ၍ တိုက်ပွဲနားသို့ ယောင်၍ မသွားဖူးဟု ဆိုသည်။ အလယ်ခေတ် အင်္ဂလိပ်စစ်ပွဲများတွင် အနိုင်ရသူများမှာ အင်္ဂလိပ်နိုက်သူရဲကောင်းများ မဟုတ်ကြပါ။ ကြေးစားစစ်သည်များသာ ဖြစ်ကြသည်း ဘုရင်အနေဖြင့် အားသားချက်မှာ စစ်ပွဲဖြစ်သော ဥရောပဒေသ၌ပင် ကြေးစားစစ်သည်များ အလွယ်တကူ ငှားရမ်းနိုင်မှုပင်ဖြစ်သည်။ အင်္ဂလန်ပြည်မှ နိုက်သူရဲကောင်းများကို ဥရောပစစ်မြေပြင်သို့ ပို့ရန်မှာ ဘုရင်အဖို့ အလွန်အကုန်အကျများပေလိမ့်မည်။

ထို့အပြင် ကြေးစားစစ်သည်တစ်ယောက် သေသွားလျှင်လည်း ဘုရင်အဖို့ နောက်ဆက်တွဲ အပူမရှိ။ မည်သည့် မိသားစုကမျှ မကျေမနပ် ကန့်ကွက်ပြောဆိုခြင်းမရှိ။

အလယ်ခေတ်နောက်ပိုင်းတွင် နိုက်သူရဲကောင်းဘဝ မည်သို့ဖြစ်လာသနည်း။ ၁၇ ရာစုထိတိုင်အောင် နိုက်အဖြစ်လျာထားခြင်းခံရသော အင်္ဂလိပ်များရှိပါသည်။ သို့သော် ရှေးယခင်က ဂုဏ်ပြုမှုမျိုးနှင့် မတူတော့ပြီ။ အများစုသော အင်္ဂလိပ်တို့သည် နိုက်အဖြစ်လျာထားခံရမှုကို အထွန့်တက်လေ့ရှိပြီး နိုက်မဖြစ်လိုကြောင်း ပြကြသည်။ လူများသည် နိုက်ဖြစ်ရမည်ကို ကြောက်သဖြင့် တစ်ဦးတစ်ယောက်၏ ဆန္ဒမပါဘဲ နိုက်ဖြစ်ခွင့် မရှိစေရန် ဥပေဒပြဌာန်းသင့်ကြောင်း ပါလီမန်ကို ဖိအားပေးခဲ့ကြသည်။

နိုက်မဖြစ်လိုသည်မှာ စစ်မတိုက်လို၍ မဟုတ်ပေ။ အဘယ်ကြောင့်ဆိုသော် အင်္ဂလိပ်နိုက်သူရဲကောင်းမှာ စစ်တိုက်ရန်မလိုသောကြောင့်ပင်။ ပြဿနာမှာ “အခွန်”ဖြစ်သည်။ ၁၇ ရာစုတွင် နိုက်သူရဲကောင်းအဖြစ် သူကောင်းပြုခံရသူများသည် အခြားသူတို့ထက် အခွန်ပိုဆောင်ရသည်။ မင်းမှုထမ်းများအနက် အခွန်အများဆုံး ဆောင်ရသူများဖြစ်သည်။ ယင်းသို့ဆောင်စေခြင်းမှာလည်း ပထမချားလ်ဘုရင်၏ တီထွင်ပြဌာန်းချက်ဖြစ်သည်။ အခွန်ငွေရရှိစေရန် ဘဏ္ဍာရေးမှူး ဂျူးလိယက်ဆီဇာက အကြံပေး၍ ချားလ်ဘုရင်က ပြဌာန်းခြင်းဖြစ်သည်။

ကျွန်ုပ်တို့စိတ်ကူးထဲမှ ဒဏ္ဍာရီဆန်သော နိုက်သူရဲကောင်းနှင့် လက်တွေ့နိုက်သူရဲကောင်းမှာ ကွာခြားနေပေသည်။ ဤသည်မှာ သမိုင်းအမွှန်းတင်ချက်ထဲမှ တစ်ခုသာ ဖြစ်တော့သည်။


သင်ကာ

-War in Mediaeval Society by John Barnie

-The Return of Camelot by Mark Girouard

-The Victorian Mirror of History by Dwight Culler

-The Knight in History by Frances Gies

-King John by Sidney Painter

-Death of the Past by J.H.Plumb

-Legends, Lies & Cherished Myths of World History by R. Shenkman

Advertisements

5 Comments

Filed under History, Research, Translation

5 responses to “Knight

  1. ပံုျပင္ေတြမွာေတာ့ ႏုိက္ေတြကို အားက်စရာျဖစ္ေအာင္ လုပ္ထားတယ္.. အခြန္ေဆာင္မယ့္လူ မ်ားမ်ားေပၚလာေစခ်င္လို႕ ထင္တယ္ေနာ္..

  2. ပုံျပင္ ေတြ ထဲမွာေတာ့ knight ကေတာ့္သူရဲေကာင္း ပါ ပဲ အခု လို ေရးျပေတာ့ လည္း..အပို အခြင့္ ထူး ခံ လူတန္းစား ျဖစ္ ေန ပါ ေရာ။ ဒါ ေပမဲ့ ၀တ္ေက်ာင္း သူရဲေကာင္း ဂိုဏဆိုတာေတာ့ ရွိခဲ့ ဘူးတယ္ ဗ် သူတို႕ က်ေတာ့ တကယ့္ အမ်ားက်ဳိး အတြက္ စစ္ ခင္းေနရတဲ့ သူ လို႕ ဖတ္ ဖူး ခဲ့ ပါ တယ္ဗ်ာ။

  3. ျမင္းမစီးတဲ ့ျမင္းစီးသူရဲေကာင္းမ်ားေပါ့။ ေကာင္းတယ္။ အဂၤလိပ္လုိပါျပန္ေရးဗ်ာ။ ပုပ္ရဟန္းမင္းၾကီး ကမာၻကုိပုိင္းျပီး အဂၤလိပ္ေတြ၊ ျပင္သစ္ေတြကုိ ကိုလုိနီလုပ္ဖုိ႔ ေပးတာ ဟုတ္မဟုတ္တုိ႔၊ ျမန္မာျပည္က ဘုရင္ခံတစ္ေယာက္ကုိ လြတ္လပ္ျပီးေခတ္မွာ ဆင္းဆင္းရဲရဲေတြ႔ရတယ္ ဟုတ္မဟုတ္တုိ႔၊ အဂၤလိပ္အေရွ႔အိႏၵိယ ကုမၸဏီကုိ ဘုရင္မတပ္မေတာ္က ဘယ္လုိသေဘာထားခဲ့သလဲတုိ႔ အစရွိသျဖင့္ စိတ္၀င္စားဖုိ႔ေကာင္းတာ မွန္သမွ် စိတ္၀င္စားတယ္ဗ်ိဳ႔။

  4. “လူႀကီးလူေကာင္းတစ္ေယာက္သည္ အျခား လူႀကီးလူေကာင္းတစ္ေယာက္ အေပၚ၌သာ လူႀကီးလူေကာင္းဆန္ဖို႔လိုသည္”

    ဂြက်တာေတာ့ အေတာ့္ကို ဂြက်တဲ့က်င့္၀တ္ပါပဲ။ ဒါဆို “လူႀကီးလူေကာင္းတစ္ေယာက္သည္ လူႀကီးလူေကာင္းမ်ားအတြက္သာ လူႀကီးလူေကာင္းျဖစ္သည္” ဆိုတဲ့ ေကာက္ခ်က္ဆြဲရမလို ျဖစ္ေနၿပီ။ အခ်က္ေတြ အေတာ္မ်ားမ်ားဟာ ကိုယ္ျဖစ္ေစခ်င္၊ ယူဆခ်င္ေနတဲ့အေတြးေတြနဲ႔ ကိုက္ေနလို႔လား မသိဘူး။ ဖတ္ရတာ သေဘာက်လွပါတယ္။ သမိုင္းအမႊမ္းတင္ခ်က္ေတြကို ပိုသိခ်င္ပါေသးတယ္။

  5. မွတ္သားသြားပါသည္။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s