Ko Lin Oo’s Tag

ဝါသနာ

လူကြီးတွေပြောတာကတော့ ကျနော်ငယ်ငယ်က မြေဖြူခဲရရ၊ မီးသွေးခဲရရ နံရံပေါ်ဖြစ်ဖြစ်၊ မြေကြီးပေါ်ဖြစ်ဖြစ် ရုပ်ပုံရေးတော့တာပဲတဲ့။ မူလတန်းတက်တော့ ကျနော့်ဖတ်စာအုပ် အပေါ်နား၊ အောက်နား နေရာလွတ်မှန်သမျှ အရုပ်တွေပြည့်နေတာပဲ။ အများဆုံးဆွဲတာက လေထီးခုန်တဲ့စစ်သား၊ ဗန္ဓုလနဲ့ မြင်းပုံတွေပါပဲ။ ကျနော်သုံးတဲ့ ကျောင်းဖတ်စာအုပ်ဆိုရင် နောက်တစ်ယောက်သုံးချင်စရာ မရှိအောင် ရှုပ်ပွနေပါတယ်။

၃ တန်းအရောက်မှာ သူငယ်ချင်းရဲ့ ဗလာစာအုပ်အလယ်မှာ အရုပ်ဆွဲပေးလိုက်တယ်။ သင်္ချာစာအုပ်ထပ်ကြတော့ ကျနော်က အိမ်စာပြီးတယ်၊ ဒီကောင်က မပြီးဘူး။ မပြီးတဲ့အပြင် စာအုပ်အလှန်မှာ ဆရာမက ပုံကိုတွေ့ပါလေရော။ စာနဲ့ပတ်သက်လို့ တခါမှ အရိုက်မခံရဖူးပါပဲ၊ ပုံဆွဲမိမှ အရိုက်ခံရသည်။ ဆရာမက (မုန်းစားဆင်းချိန် အိမ်အပြန်မှာ သူ့ယောက်ျားနဲ့ ရန်ဖြစ်လာသည်ဟု ဆို) စိတ်တိုတိုနဲ့ ရိုက်တာ အရှိုးရာကြီးက ထင်းနေရော။ ဒါနဲ့ အမေနဲ့အဖွားက ကျောင်းအုပ်ကြီးကို တက်တိုင်တဲ့အထိ ဖြစ်ကုန်ပါလေရော။


စာမေးပွဲအောင်တိုင်းအောင်တိုင်း ကျနော်လိုချင်တာက ရောင်စုံခဲတံဗူးဖြစ်သည်။ အတန်းကြီးလာတော့ ရေဆေး (Water Color) ဖြစ်လာသည်။ အထက်တန်းအထိ နှစ်တိုင်း ပန်းချီအတွက်ဆုရသည်။

တနေ့သောအခါ ညကြီးသန်းခေါင်မှာ ကျနော် ရုတ်တရက် နိုးလာသည်။ အဖေနှင့်အမေသည် ကျနော့်ရှေ့ရေးကို ဆွေးနွေးနေသည်။ အမေသည် ကျနော် ပန်းချီသမားဖြစ်လာမည်ကို ကန့်ကွက်သည်။ အဖေကလည်း ပန်းချီကို စိတ်နာသူဖြစ်သည်။ သူငယ်ငယ်က နယ်တစ်ခုတွင် ကျောင်းနေရသည်။ ကျောင်းပန်းချီပြိုင်ပွဲတွင် အဖေက ဗန္ဓုလပုံဆွဲပြီး ပြိုင်ပွဲဝင်သည်။ ချင်းကလေးတစ်ယောက်က တီကောင်ဆွဲ၍ ပြိုင်ပွဲဝင်သည်။ (အဖွားအဆိုအရမူ) ဒိုင်လူကြီးက မျက်နှာလိုက်ပြီး တီကောင်ဆွဲသူကို ဆုပေးလိုက်လေသည်။ ထိုအခါမှစ၍ အဖေသည် ပန်းချီမဆွဲတော့ဟု သိရသည်။

သို့နှင့် အဖေနှင့်အမေသည် ကျနော်ပန်းချီဆွဲခြင်းကို အားမပေးတော့ဟု ဆုံးဖြတ်ကြလေသည်။ ပန်းချီပစ္စည်းများကိုလည်း ဝယ်မပေးတော့ဟု ပြောနေကြရာ ကျနော်သည် အိပ်ယာထဲမှ ကြားနေရလေသည်။ တော်တော်ဝမ်းနည်းခဲ့ဖူးသည်။ နောက်ပိုင်းအိမ်မှာ ပန်းချီဆွဲသောအခါ သိသိသာသာကန့်သတ်ခံရသည်။ ကျနော် ၁၀ တန်းအောင်ပြီးသောအခါ ပန်းချီလောကထဲဝင်ခဲ့သည်။ ပထမဆုံး အဖေ့လခတစ်လစာနှင့်ညီမျှသော ကျနော် ပန်းချီတစ်ပတ်ဆွဲခကို အိမ်သို့ပေးသောအခါ ကျနော့်တွင် မာနနှင့် မခံချင်စိတ်တို့ ဖြစ်နေတာ သတိရသည်။

ကျနော် ကော်မာရှယ်ပန်းချီလောက၊ ပိုစတာလောက၊ ဖိုင်းအတ်ပန်းချီလောကထဲသို့ တဖြည်းဖြည်းရွေ့နေချိန်တွင် ဘဝမှာ အပြောင်းအလဲ များစွာလည်း ဖြစ်ခဲ့သည်။ စာတွေပိုဖတ်ဖြစ်လာသည်။ ကော်မာရှယ်ပန်းချီရွှေခေတ်သည်လည်း ဂရပ်ဖစ်ဒီဇိုင်းများ၊ စာလုံးလှီးစက်များ၊ ဗိုင်နယ်လ်သားရေ ပုံနှိပ်စက်များ ပေါ်လာခြင်းနှင့်အတူ မှေးမှိန်သွားသည်။ ပန်းချီလောကက ဆရာများ မိတ်ဆွေများက အနုရသပန်းချီဘက်လှည့်ကုန်သည်။ ကျနော်က ကဗျာအသိုင်းအဝိုင်းနားသို့ နီးစပ်သွားသည်။ ထိုမှ တဆင့် အယ်ဒီတာ၊ ပင်တိုင်ဆောင်းပါးရေးသူဖြစ်သွားသည်။

ပထမဆုံးအချစ်သည် ပန်းချီ၊ ဒုတိယအချစ်သည် စာပေ။ တကယ်တမ်းရပ်တည်တော့ စာပေနဲ့ပဲ ရပ်တည်ဖြစ်သည်။ ပန်းချီကိုတော့ ကိုယ့်ဝါသနာ သက်သက်အတွက်ပဲ ထားလိုက်သည်။ ဝယ်ထားသည့် အခရိုက်လစ်ဆေးတွေ မသုံးရသေး အသစ်စက်စက်။ စိတ်နှစ် အချိန်ပေးပြီး ပန်းချီရေးဖို့ စိတ်ထဲမှာ အာရုံတွေ မွေးထားပါသည်။

ဝါသနာနဲ့ ပတ်သက်လို့ ဒီလောက်ပဲ ပြောစရာပါတယ်။

ကိုလင်းဦး တဂ်သည်ကို ရေးပါသည်။ ထပ်တဂ်ရန် မရှိပါ။

သင်ကာ

ဇွန် ၂၀၀၉

Advertisements

9 Comments

Filed under Tag

9 responses to “Ko Lin Oo’s Tag

  1. ကၽြန္ေတာ္တို႕ေတြက စာေပပိုးေတြကိုး…. အျခား၀ါသနာေတြ႐ိွေနၾကေပမယ့္ စာေပကိုေတာ့ မစြန္႕လႊတ္ႏိုင္၊ လုပ္ႏိုင္သေလာက္ လုပ္ၾကတုနး္ပါပဲ…

    ကိုသင္ကာႀကီးေ၇.. ေက်းဇူး… 🙂

  2. ဖတ္သြားပါတယ္။ သိရတာ စိတ္၀င္စားစရာပါ။

  3. ကိုသင္ကာရဲ ႔၀ါသနာကိုလာေရာက္ေလ့လာသြားပါတယ္ ဒါနဲ႔စကားမစပ္ တတိယ……..ဆိုတာက်န္ေနခဲ့သလိုပဲ း) အဟဲ
    ခင္မင္စြာျဖင့္
    ႏွင္းဆီနက္

  4. ေအာ… ကိုယ့္ဆရာက ပန္းခ်ီဆရာကိုးဗ်… ခုမွပဲ သိေတာ့တယ္… း)

  5. ကိုသင္ကာေရ ေရာက္တယ္..၀ါသနာအခ်ဳိ႔တူတယ္ ဗ်ာ။

  6. က်ေနာ္လည္း၀ါသနာပါတယ္
    ဆြဲတာမဟုတ္ဘူး
    ၾကည့္တာ…
    (၀ါသနာကေတာ့ အကုန္ပါတာ – တစ္ခုမွမလြတ္ဘူး )

  7. ပန်းချီဝါသနာပါ တာတော့ ကျနော်လဲ ပါတယ်။ အကို့ ဝါသနာတွေက ရိုးရှင်း လိုက်တာ အဲ့ဒါကောင်းတယ်။ ကျွန်တော်ဆို ဝါသနာတွေ များပြီး ဝေဝေ ဝါးဝါးနဲ့ ဖြစ်နေတာလေ။ ကိုသင်ကာ ရေ.. ညီလေးလဲ မြန်မာယူနီကုဒ်နဲ့ ဘလော့ ရေးတော့မလား လို့…။

  8. ကိုယ့္ၾဆာေရ.. ၀ါသနာကိုလာဖတ္သြားတယ္။ စာေရးက်ဲေနသလိုပဲေနာ္ း-)

  9. admin

    @ ဟုတ္ကဲ့ ကိုလင္းဦးေရ။ စာေပက ပိုျပီးေတာ့ က်ယ္က်ယ္ မက္ေဆ့ခ်္ေပးႏိုင္သလားလုိ႔ေလ။ ကာလံ ေဒသံ အရေပါ့ဗ်ာ။

    @ Rita ေရ၊ ပံုမွန္လာအားေပးတာ ေက်းဇူးပါ။

    @ ႏွင္းဆီနက္ေရ၊ အေဖနဲ႔ ခ်င္းကေလးနဲ႔ ႏွစ္ေယာက္ထဲ ျပိဳင္တာပါတဲ့။ ျပိဳင္မယ့္သူ မရွိလို႔။

    @ ကိုေအာင္သာငယ္ေရ၊ ပန္းခ်ီက က်ေနာ့ရဲ့ ငယ္ရည္းစားပါဗ်ာ။

    @ ကိုဥပသကာေရ၊ က်ေနာ္ေရးတာ ႏွစ္ခုထဲရယ္။ အခ်ိဳ႕ဆိုေတာ့ ဘာမ်ားတုန္း။

    @ အလွတရား – အကုန္ပါေနတာ ပါရမီထင္ပါရဲ့။

    @ မင္းယြန္းသစ္ေရ၊ ယူနီကုဒ္သံုးရင္ transition အေနနဲ႔ က်ဳပ္တပ္ထားသလို အေပၚက ေဇာ္ဂ်ီ-ယူနီကုဒ္ flying box ကေလး တပ္ေစခ်င္တယ္။ ကိုေမွာ္ဆရာျဖစ္ျဖစ္၊ က်ေနာ့္ကို ျဖစ္ျဖစ္ အခက္အခဲရွိရင္ ေမးႏိုင္ပါတယ္ဗ်ာ။

    @ ကိုက်ည္ေပြ႕ေရ၊ က်ေနာ္ ဖုန္းေခၚလိုက္ဦးမယ္ဗ်