Myanmar Boycott Since A Long Time, But China Just Start

“We Hereby Declare a Boycott of CCTV, Opposition to its Brainwashing”

We young Chinese scholars state: In light of the fact that CCTV News is in fact CCTV Propaganda, adopt regarding CCTV and its website a boycott. We hereby declare a “Four Noes” Policy: we will not watch it, appear on it, listen to it, or talk about it.

Last year several of us issued a “Chinese New Year Declaration,” stating that we opposed vulgar and propagandistic content on CCTV during Chinese New Year. This kind of content turns the traditional celebration into a season of making the Chinese people ignorant.

This year we again declare that CCTV–which monopolizes our public television resources–has turned the evening news into the evening propaganda, and we hereby boycott it. (Source – Click Here)

တရုတ်မှာ လူငယ်ပညာရှင်တွေက စီစီတီဗီကို အစိုးရမှိုင်းလုံးတွေ တိုက်နေတယ်ဆိုပြီး သပိတ်မှောက်ကြဖို့ တရုတ်နှစ်သစ်ကြေညာချက်အဖြစ် ထုတ်ပြန်လိုက်ကြပါတယ်။ ထုတ်ပြန်တဲ့နေရာမှာလည်း တရုတ်မှာလုပ်ရင် အဖျက်ခံရဖို့ရှိတော့ အမေရိကန် အခြေစိုက် ဝက်ဘ်ဆိုဒ်တစ်ခုကနေ ထုတ်ပြန်လှုံ့ဆော်လိုက်တာပါ။ အားပေးထောက်ခံလိုက်ပါသည်။ (မူရင်းတရုတ်ဘာသာဖြင့် ကြည့်ရန် Click Here)

မီဒီယာတွေဟာ ဘက်မလိုက်ရဘူးလို့ သဘောတရားအားဖြင့် လူတိုင်းသိပါတယ်။ ဘက်လိုက်တဲ့ မီဒီယာတွေလည်း ရှိတာပါပဲ။ ပင်လယ်ကွေ့စစ်ပွဲမှာ အမေရိကန်က Fox News ဟာ ဘက်ပင်းခဲ့တယ်။ (အခု အစ္စရေးက ဂါဇာကမ်းမြှောင်မှာ ပါလက်စတိုင်းကို ရေပြင်၊ မြေပြင်၊ ဝေဟင် စစ်ဆင်နေချိန်မှာ အယ်လ်ဂျာဇီးယားရုပ်သံဟာ ဘက်လိုက်တယ် (Bias) ဖြစ်တယ် မဆိုနိုင်တဲ့တောင် ပရိသတ်အမြင်ကို ပုံသွင်းရာမှာ ခြေလှမ်းမမှန်တော့ဘူးလို့ မြင်နေမိပါတယ်။ ဆက်လေ့လာပြီး ပို့စ်ရေးပါဦးမယ်။) မီဒီယာရဲ့ ‘ရပ်တည်မှု’နဲ့ ‘ဘက်လိုက်မှု’ဆိုတာကို ခွဲသိဖို့တော့ လိုမယ်။


မြန်မာအစိုးရက လုပ်နေတဲ့ မီဒီယာတွေကို မြန်မာပြည်က ဘယ်ဂျာနယ်လစ်စစ်စစ်ကမှ သူတို့ကို မီဒီယာရယ်လို့ သတ်မှတ် ပြောဆိုတာ မကြားဖူးပါဘူး။ မြန်မာ့အလင်းနဲ့ ကြေးမုံကို ဖတ်ရင် သူတို့ သတင်းရေးနည်းကို ပုံသေ ဖောမက်ချကြည့်နိုင်ပါတယ်။ လုံးဝသတင်းစာပညာ မပါပါ။ ကျင့်ဝတ်လည်းမရှိပါ။ အဲဒီအစိုးရမီဒီယာက လူတွေကိုလည်း ဂျာနယ်လစ်ရယ်လို့ လူရာသွင်းတာလည်း မတွေ့မမြင်မိပါ။ (ဂျာနယ်တစ်စောင်ကတော့ ဖားပြီး နာယကဆိုလား အကြံပေးဆိုလား ထည့်ထားတာ တွေ့ဖူးသည်။)

မနေ့က သူငယ်ချင်းကပြလို့ နိုင်ငံပိုင် သတင်းစာတစ်ခုက စာတည်းမှူးချုပ်ဆိုသူရဲ့ သမီး မင်္ဂလာဆောင်သတင်း ဖတ်လိုက်ရတယ်။ အဲဒါနဲ့ ပြောချင်တာလေးက နှစ်ခု ပေါ်လာတယ်။ (၁) ယဉ်ကျေးမှု ဘာညာအော်နေပြီး သမီးက နိုင်ငံခြားသားနဲ့ ယူတယ်။ ယူတာ ယူပေါ့ ဘာမှ မဖြစ်ပါဘူး။ နိုင်ငံခြားနာမည်တွေကို အတင်းဆွဲပြီး ဦး၊ ဒေါ်၊ မောင် တပ်ကာ လူရာသွင်း ကြော်ငြာထည့်တာကတော့ ရုပ်ဆိုးပါတယ်။ (မြန်မာပြည်မှာ သတင်းစာထဲ နိုင်ငံခြားသားနဲ့ လက်ထပ်တဲ့သတင်း ဖော်ပြခွင့်မပြု။ အခုတော့မသိ။) (၂) အဲဒီစာတည်းမှူးချုပ်ဆီ ကျနော် အလုပ်ကိစ္စနဲ့ သွားတိုင်း အနည်းဆုံး ငွေ ၃,၀၀၀ လောက် (လွန်ခဲ့သော ၅ နှစ်ခန့်က) မှ ခုံအောက်က မပေးရင် ကြောငြာလေးတစ်ခု ပါဖို့ မဖြစ်နိုင်ပါဘူး။ ကျင့်ဝတ်နဲ့ အဲလို ပြည့်စုံသော နိုင်ငံပိုင် မီဒီယာတွေပါ။

ကျနော်က သတင်းစာဖတ်ရင် နောက်ကနေစဖတ်တယ်။ နာရေး၊ သာရေး၊ အလုပ်ခေါ်စာ၊ ကြော်ငြာတွေဖတ်ပြီး ပြီးလိုက်တာပါပဲ။ တစ်ခါတစ်ခါ တွေးမိတာက သတင်းစာဖောင်အုပ်မှာ ဒီ လိုအပ်သည်များကို မှာစား အိမ်ပို့ခိုင်းတဲ့ဟာတွေကို လူလည်းဖတ်တာ မဟုတ်ဘဲနဲ့ အ လေနတ္တော စာရွက်ကုန် ဝါးပင်ကုန် ထည့်နေမယ့်အစား စာသင်ကျောင်းမျာ ကလေးတွေ လိုအပ်တဲ့စာအုပ်တွေ အစားထိုး ထုတ်ပေးသင့်တယ်လို့ စိတ်ကူးမိတယ်။ သတင်းစာမထုတ်ရဘူး မပြောပါဘူး။

ဟာသလေးလည်း ဖောက်ပြောပရစေဦး။ မစ္စတာနေဝင်း ခေတ်တုန်းက သူ့ရာထူး ဗိုလ်ချုပ်ကြီးကို သတင်းစာက ခဲစာလုံးစီရာမှာ (ကွန်ပျူတာနဲ့ စာမစီနိုင်ကြသေး) ဗိုလ်မှာ ‘လ’က အသတ်ပြုတ်ပြီး ‘ဗိုလချုပ်ကြီး’ဖြစ်သွားလို့ အယ်ဒီတာ အလုပ်ပြုတ်သွားပါသတဲ့။

ကျုပ်တို့ နိုင်ငံမှာတော့ အထွေအထူးကြေညာချက်ထုတ် သပိတ်မှောက်ဖို့ မလိုပါဘူး။ တီဗီဟေ့ဆိုရင် ရုပ်သံဇာတ်လမ်းတွဲကလွဲပြီး ဘာမှမကြည့်ဘဲ မြန်မာပြည်သားတွေ တညီတညွတ်တည်း သပိတ်မှောက်နေတာ ကြာပေါ့။

သင်ကာ

ဇန်နဝါရီ ၂၀၀၉

Advertisements

Leave a comment

Filed under Journalism, Media

0 responses to “Myanmar Boycott Since A Long Time, But China Just Start

  1. အခြေအနေမှန်လေးတွေ ဖတ်ရတော့ ရိပ်စားမိလာတယ်။

    မြန်မာတွေ တီဗွီကြည့် သပိတ်မှောက်နေကြတာ ကြာတော့ကြာနေပါပြီ။

    နောက်ထပ်ပိုစ့်တွေလည်း စိတ်၀င်တစား လာဖတ်ဦးမယ်ဗျာ။

  2. Thanks for this one.
    taken.