Tragedy of Santika Pub

ဆန်ဒီကာ ကြမ္မာဆိုး

ဘန်ကောက်မှာ လူကုံထံတွေ သွားလေ့ရှိတဲ့ ဆန်ဒီကာ ပတ်ဘ် (Santika Pub) ဟာ နှစ်သစ်ကူး ကောင့်ဒေါင်းအပြီး မိနစ် ၂၀ လောက်မှာ မီးရှုးတွေ စနက်နဲ့ မီးထလောင်ပြီး လူပေါင်း ၅၉ ယောက်သေပြီး ၂၄၃ ယောက် ဒဏ်ရာရခဲ့ပါတယ်။ စပိန်ဘာသာနဲ့ ဆန် (သို့) ဇန်ဒီကာဆိုတာ လှပသော သဘာဝလို့ အမည်ရပါသတဲ့။ (ထိုင်းတွေက ဆန်ဒီကာဟု အသံထွက်သည်။) ဒါပေမယ့် မလှမပဇာတ်သိမ်းခဲ့ရတဲ့ ဆန်ဒီကာနဲ့ပတ်သက်လို့ စိတ်ဝင်စားစရာ အဖြစ်ကလေးတွေတွေ့လို့ ပြောပြချင်ပါတယ်။

နုတ်ဆက်ပွဲ ပ�ုစတာ

နုတ်ဆက်ပွဲ ပိုစတာ

ဒီည ချယ်နယ်သရီး တီဗီမှာ ဆန်ဒီကာ အကြောင်း အသေးစိတ် ထပ်ပြပါတယ်။ ကံဆိုးချင်တဲ့ ဆန်ဒီကာဟာ သူတို့ကလပ် ပိတ်သိမ်းတော့မှာမို့ နှစ်သစ်ကူးညမှာ နုတ်ဆက်ပွဲကိုလည်း ကျင်းပနေချိန်ဖြစ်ပါတယ်။ အငှားစာချုပ်ပြည့်ပြီမို့ ၂၀၀၄ မှာ စဖွင့်ခဲ့တဲ့ သူတို့ကလပ်ကို ပိတ်ပစ်တော့မှာမို့ အမှတ်တရ ဆန်ဒီကာ ကလပ်အကြောင်း အခွေကိုလည်း လက်ဆောင်ပေး၊ နုတ်ဆက်ပွဲကိုလည်း နှစ်သစ်ကူးညမှာ တစ်ပါတည်းကျင်းပကြတယ်။


တီဗီအင်တာဗျူးမှာ လူတစ်ယောက်က သူ့မိုဘိုင်းဖုန်းနဲ့ ရိုက်ထားတဲ့ အဲဒီညက မီးမလောင်ခင် မြင်ကွင်းကို ပြပါတယ်။ မီပန်းတွေကို လှောင်ပိတ်နေတဲ့ ရုံထဲမှာ ဖောက်တာ ကြောက်စရာကြီးပါ။ လူတွေလည်း မနည်းဘူး ကခုန်နေကြတယ်။ ကလပ်က လက်ဆောင်ဝေတဲ့ ကလပ်ပိတ်သိမ်းခြင်းအမှတ်တရ အခွေကိုလည်း ပြပါတယ်။ နာမည်ကြီးအဆိုတော်တွေ (မြန်မာတွေသိတဲ့ ထုံချိုင်းအပါအဝင်) ဖျော်ဖြေ သီဆိုဖူးတဲ့ ကလပ်ဖြစ်ပါတယ်။ ပြီးတော့ တီဗီက မီးလောင်ထားတဲ့ အဆောက်အုံကြီးကို ပြတယ်။ အတွင်းမှာ သံဖရိန်တွေပဲ ကျန်ရစ်တယ်။ ဖျော်ဖြေရေး စတိတ်စင်အပေါ်က အမိုးဟာ ပြိုကျသွားတယ်။

မီးလောင်နေတုန်း အခြေအနေကိုပြတော့ ငရဲဆိုတာ ဒါမျိုးပဲလို့သာ အောက်မေ့မိတော့တယ်။ မီးတွေဟုန်းဟုန်းတောက်နေတာ ရုပ်ရှင်မဟုတ်လေတော့ သွေးပျက်ဖွယ်ရာပါပဲ။ လူတွေဟာ ပြိုကျတဲ့ မီးရဲရဲ သစ်သား၊ သံတန်းတွေအောက်မှာ ပိနေတယ်။ အရှင်လတ်လတ်မီးမြိုက်ခံရတဲ့ဘဝ ရောက်နေတယ်။ ဆွဲထုတ်လို့လည်း မရ။ လူအသေဆုံးဟာ မြေအောက်ထပ်ပါ။ အဲဒီမှာ အိမ်သာတွေ ရှိတယ်။ ထွက်ပေါက်ရှိတယ် ထင်ပြီး အဲဒီထဲ ဆင်းပြေးကြတော့ အသေအများဆုံးဖြစ်ခဲ့တယ်။ ဗူးလေးရာ ဖရုံဆင့် ဆိုသလို တံခါးတွေကလည်း လျှက်စစ်မီးရှိမှ ဖွင့်နိုင် ပိတ်နိုင်တဲ့ အော်ဆိုဆလိုက်တွေ ဖြစ်ပါတယ်။ မီးလည်းလောင် တံခါးတွေလည်း အလုပ်မလုပ်။ ဘယ်လိုဖြစ်နေမလဲဆိုတာ တွေးကြည့်နိုင်ကြပါတယ်။ မီး Alarm တွေလည်း မမြည်ဘူးလို့ ပြောပါတယ်။

ကလပ်ပိတ်သိမ်းတော့မယ့်အချိန်ကျမှ ဖြစ်သွားတယ်ဆိုတော့ ကံကွက်ကြားတယ်ပဲ ပြောရတော့မှာပါပဲ။ ရဲကတော့ ကလပ်စာချုပ်ပြည့်လို့ ပိတ်သိမ်းတော့မယ့် အချိန်ဖြစ်သွားတာဟာ ရိုးသားမှု ရှိရဲ့လား၊ လုပ်ကြံမှုလားဆိုတာ စုံစမ်းစစ်ဆေးနေပြီလို့ ဆိုပါတယ်။ ကျနော့် အဆောင်နားမှာ အရင် နာမည်ကြီးစားသောက်ဆိုင်တစ်ခုရှိတယ်။ ဖော်ရိန်နာတွေနဲ့ အထက်တန်းကလူတွေ လာကြတယ်။ အဲဒီဆိုင်မှာ တီးဝိုင်းက Country စတိုင်လ်ဖြစ်ပြီးတော့ အင်္ဂလိပ်သီချင်းတွေပဲ ဆိုတယ်။ ကန်းထရီး ကလပ်စစ်သီချင်းတွေပဲ ဆိုတာမို့ ကျနော် အတော်သဘောကျပါတယ်။ မြေငှားပြီး ဆောက်လုပ်ဖွင့်လှစ်တာမို့ စာချုပ်လည်းပြည့်ရော ဆိုင် အလုပ်ဖြစ်တာတွေ့နေတဲ့ မြေရှင်က ငှားခ စျေးတိုးတောင်းတော့တယ်။ စျေးက တော်တော် မတန်တဆကြီးပါ။ အဲဒါနဲ့ ဒီဆိုင်ဟာ ပတ်စာခွာ ဖျာလိပ် အကုန်ဖျက်သိမ်းသွားရတယ်။ ဆိုင်ဖွင့်တဲ့သူ ဘယ်လိုနေမယ်တော့မသိဘူး၊ ဆိုင်ကောင်းတစ်ဆိုင် ဖျက်သိမ်းသွားရတာမို့ လောဘတက်တဲ့မြေရှင်ကို တော်တော်ကြီးအမြင်ကတ်သွားပါတယ်။ အဲဒီနေရာမှာ ဘယ်သူမှလည်း လာမငှားကြပါဘူး။ ဆိုင်ရွှေ့ရင် မိတ်ပျက်ကြတာမို့ ဆိုင်ရှင်ကလည်း ထပ်မဖွင့်တော့ဘူးထင်တယ်။ ဘယ်ကိုရွှေ့ပါတယ်လို့တောင် ကြေညာမထားခဲ့ပါဘူး။ ဆန်ဒီကာကလပ်မှာလည်း အဲလို သောက်မြင်ကတ်တာနဲ့ မီးရှို့ခဲ့လေသလားဆိုတာ ရဲက စုံစမ်းနေတယ်ဆိုပါတယ်။

လက်ဝါးကပ်တ�ုင် ခေါင်းတလားတွေနဲ့ အပြင်အဆင်

လက်ဝါးကပ်တိုင် ခေါင်းတလားတွေနဲ့ အပြင်အဆင်

ရေးနေတုန်း ထပ်သိရတာက ကလပ်ဟာ ခေတ်မီဆန်းသစ်အောင် ထူးခြားခြားပြင်ဆင်ထားခဲ့တယ်တဲ့။ ဓာတ်ပုံထဲမှာ မြင်တဲ့အတိုင်း ချာ့ချ်လို လက်ဝါးကပ်တိုင်တွေလည်းရှိတယ်။ ဓာတ်ပုံကို သေချာကြည့်ပါ။ လက်ဝါးကပ်တိုင်အောက်နားမှာ အသုဘခေါင်းတလားတစ်ခုကိုလည်း ထည့်ပြီး Decoration လုပ်ထားတယ်။ မနှစ်က အတွင်းဒီဇိုင်းအတွက် ဘတ်သန်း ၄၀ အကုန်ခံလုပ်ခဲ့ပါသတဲ့။ သေဆုံးသွားတဲ့ အလောင်းတွေကို ထုပ်ထားတာတော့ မတင်လိုတော့ဘူး။ ကြည့်ချင်ရင် ဒီမှာပါ။ Click Here အတွင်းအပြင်အဆင်နဲ့ မန်နေဂျာများ။ Click Here

သင်ကာ

ဇန်နဝါရီ ၁၊ ၂၀၀၉

Advertisements

Leave a comment

Filed under News, Thailand

0 responses to “Tragedy of Santika Pub

  1. ေသြးပ်က္စရာၾကီးပဲေနာ္

  2. sandar

    ေခါင္းတလားနဲ႕ လက္၀ါးကပ္တိုင္နဲ႕ Decorate
    လုပ္ထားခဲ့ေတာ့ ျမန္မာအျမင္ နဲ႕ ၾကည့္ရင္ နိမိတ္ဖတ္သလုိျဖစ္ေနတယ္။

  3. စာေတြဖတ္မရဘူးဗ် ဘာၿဖစ္တာလဲသိဘူး။ၿမန္မာစာေတာ့
    ၿမန္မာစာပဲ တလြဲေတြၿဖစ္ေနတယ္ဗ်