Hot, Flat and Crowded – 2

ပူပြင်း၊ ပြားချပ်၊ ကျပ်ညပ်သော – အပိုင်း ()

ဘုန်းဝေညွန့်လူ

Hot, Flat and Crowded

စာအုပ်၏ ကျောရိုးအဆိုပြုချက်က အလွန်ရှင်းသည်။ အမေရိကတွင် ပြဿနာပေါ်နေသည်။ ကမ္ဘာကြီးတွင်လည်း ပြဿနာနှင့် မကြာသေးမီနှစ်များအတွင်း လမ်းပျောက်နေခဲ့ခြင်းက အမေရိက၏ပြဿနာ။ လမ်းပျောက်ရခြင်း အကြောင်းက /၁၁ ကြောင့်ပါသလို၊လွန်ခဲ့သော အနှစ်သုံးဆယ်အတွင်း ကျွန်တော်တို့ မွေးမြူခဲ့သည့် အကျင့်ဆိုးများကလည်း တရားခံ။ စိန်ခေါ်မှုကြီးများကို ရင်ဆိုင်နိုင်မည့်ကျွန်တော်တို့လူ့အဖွဲ့အစည်း၏ အရည်အသွေးနှင့် စိတ်အားထက်သန်မှုကို အားနည်းယုတ်လျော့စေခဲ့သည့် အကျင့်ဆိုးများ။

ကမ္ဘာကြီးတွင်လည်း ပြဿနာရှိနေသည်။ ယင်းသည် `ပူပြင်း၊ ပြားချပ် ကျပ်ညပ်´ လာခြင်းဖြစ်သည်။ ယင်းသည် ကမ္ဘာကြီး ပူနွေးလာမှု Global Warming ပင်ဖြစ်သည်။ ကမ္ဘာ့နေရာအနှံ့အပြားတွင် လူလတ်တန်းစားများ အံ့ဘနန်း မြင့်တက်လာမှုနှင့် လူဦးရေမြန်မြန်ဆန်ဆန် တိုးပွားမှုတို့ ပေါင်းစည်းမိပြီး ကျွန်တော်တို့၏ကမ္ဘာမြေကို မတည် မငြိမ်ဖြစ်အောင် ကြောက်မက်ဖွယ်လုပ်ဆောင်နေသည့် ကမ္ဘာကြီး ပူနွေးလာမှု။ ပူပြင်း၊ ပြားချပ်၊ကျပ်ညပ်တို့ ပေါင်းစည်းမိခြင်းသည် စွမ်းအင်ရင်းမြစ်များ၏လည်မျိုကိုညှစ်၊ အပင်နှင့် တိရစ္ဆာန်တို့ မျိုးသုဉ်းပျောက်ကွယ်မှုတို့ကိုပြင်းထန်စေ၊ စွမ်းအင်ဆင်းရဲတွင်းကို နက်သထက်နက်စေ၊ ရေနံအာဏာရှင်စနစ်ကို ခိုင်မာစေ၊ ရာသီဥတု ပြောင်းလဲမှုကို အရှိန်မြှင့်တင်စေသည်။ ထိုသို့ ရောယှက်စီးဆင်းနေသည့် ဂလိုဘယ်ရေစီးကြောင်းများကို ကျွန်တော်တို့ ကိုင်တွယ်ပုံ ကိုင်တွယ်နည်းက နှစ်ဆယ့်တစ်ရာစု ကမ္ဘာရှိ လူနေမှုဘဝသုခကို အဆုံးအဖြတ်ပေးသွားပေလိမ့်မည်။


အမေရိက၏ ပြဿနာကြီးကို ဖြေရှင်းရန် အကောင်းဆုံးနည်း (သူ၏သွားနေကျလမ်းကြောင်းပေါ် ပြန်ရောက်အောင်သွားခြင်း) သည် ကမ္ဘာ့ပြဿနာကြီးကို ဖြေရှင်းရာတွင် ရှေ့တန်းက ခေါင်းဆောင်ခြင်းပင် ဖြစ်သည်ဟု ကျွန်တော် ယုံကြည်သည်။ ပူပြင်း၊ ပြားချပ်၊ ကျပ်ညပ် လာနေသည့်ကမ္ဘာတွင် ပိုမိုသန့်စင်ပြီး ရေရှည်ခံမည့်နည်းလမ်းများနှင့် ကမ္ဘာကြီးကို ကြီးထွားစေရန် ကိရိယာများ၊ စနစ်များ၊ စွမ်းအင်ရင်းမြစ်များနှင့် ကိုယ်ကျင့်တရားတို့ ဖန်တီးခြင်းသည် ကျွန်တော်တို့ ဘဝသက်တမ်းတွင် အကြီးမားဆုံးစိန်ခေါ်မှုကြီးပင်ဖြစ်သည်။

သို့သော် ယခုစိန်ခေါ်မှုသည် စင်စစ်တွင် အမေရိကအတွက် အခွင့်အလမ်းကြီးပင်ဖြစ်သည်။ ကျွန်တော်တို့ ထိုအခွင့်အရေးကို အရယူလိုက်နိုင်လျှင် အမိမြေတွင် အမေရိကပြန်လည်အသက်ဝင် လာမည်။ နိုင်ငံရပ်ခြားတွင် အမေရိကကို ပြန်လည်ချိတ်ဆက် ပေးနိုင်မည်။ မနက်ဖြန်အတွက် အမေရိကကို ပြန်လည်သွေး သစ်လောင်းပေးနိုင်မည်။ တီထွင်ဖန်တီးမှုနှင့် စိတ်ရှင်သနလန်းဆန်းမှု၊ ဥစ္စာဓနတည်ဆောက်မှုနှင့် ဂုဏ်သိက္ခါတည်ဆောက်မှု၊ အမြတ်ကြီးကြီးနောက်လိုက်ခြင်းနှင့် ပြဿနာကြီးများကို ကိုင်တွယ်

ဖြေရှင်းခြင်းတို့ ပေါင်းစပ်သည့်အခါတွင် အမေရိကသည် ပါဝါ အမြင့်ဆုံးနှင့် ဩဇာအကြီးဆုံးဖြစ်သည်။ တစ်ခုတည်းနောက်သာ လိုက်သည့်အခါတွင် ကျွန်တော်တို့သည် ကျွန်တော်တို့၏ အစိတ် အပိုင်းများ အားလုံး ပေါင်းလဒ်အောက် ယုတ်လျော့နေသည်။ နှစ်ခု စလုံးကို လုပ်ဆောင်သည့်အခါတွင် ကျွန်တော်တို့၏ အစိတ်အပိုင်း အားလုံးပေါင်းလဒ်ထက် ပိုကြီးသည်၊ အလွန့်အလွန်ပိုကြီးသည်။

သို့သော် ယခုစိန်ခေါ်မှုသည် အခွင့်အလမ်းတစ်ခုမျှသာ မဟုတ်ပါ။ မှတ်ကျောက်တင်ပွဲ၊ စာမေးပွဲလည်းဖြစ်သည်။ ကျွန်တော်တို့ ဘယ်လောက်စွမ်းသလဲ၊ ဘယ်လောက်ဦးဆောင်လိုစိတ်ရှိသလဲကို ဆုံးဖြတ်မည့်ပွဲဖြစ်သည်။ အမေရိကကိုချစ်ချစ်၊ မုန်းမုန်း၊ အမေရိကန်ပါဝါကို ယုံကြည်ကြည် မကြည်ကြည်၊ ပူပြင်း၊ ပြားချပ် ကျပ်သိပ်မှုတို့ ပေါင်းဆုံ စုခြင်းသည် ကြီးမားလှသောစိန်ခေါ်မှုဖြစ်သည့်အတွက် အမေရိကမပါဘဲနှင့် အဓိပ္ပါယ်ပြည့်၀သည့် အဖြေမထွက်နိုင်ပါ။

ကျရှုံးချင်ရှုံး၊ သူရဲကောင်းဖြစ်ချင်ဖြစ်။ ကြားနေရာဆိုတာ မရှိဘူး´´ အမေရိက၏ သဘာဝပတ်ဝန်းကျင်ဆိုင်ရာ အတော်ဆုံးပုဂ္ဂိုလ် များထဲတွင် အပါအဝင်ဖြစ်သည့် Eco Tech International အမှုဆောင်အရာရှိချုပ် Rob Watson က ဆိုသည်။

ဟုတ်ပါသည်။ အခြေအနေက တောင်းဆိုနေသည့်ခေါင်းဆောင် မှု၊ တီထွင်ဖန်တီးမှုနှင့် ပူးပေါင်းဆောင်ရွက်မှုအဆင့်သို့ ကျွန်တော်တို့အရောက်တက်လှမ်းနိုင်လျှင် တက်လှမ်း သို့မဟုတ်က လူတိုင်းလူတိုင်း ဒုက္ခလှလှတွေ့ကြုံကြရမည်။ ရေလိုက်ငါးလိုက်လုပ်ပြီး လုပ်နေကျ တစ်ခါလာလည်းမဲပြာပုဆိုးအလုပ်မျိုးတွေကိုသာ ထပ်တလဲလဲလုပ်နေ ခြင်းသည် ထည့်သွင်းစဉ်းစားရမည့်နည်းလမ်းပင်မဟုတ်တော့ပါ။ လုံး၀ အသစ်ကျပ်ချွတ်နည်းဗျူဟာ လိုအပ်သည်။ တက္ကဆက်ပြည်နယ်တွင် ပြောနေကြသည့် စကားတစ်ခွန်းကို ပြန် ဖောက်သည်ချသည်။ ခင်ဗျား လုပ်နေသမျှအားလုံးဟာ ခင်ဗျားလုပ်ဖူးတာချည်းပဲဆိုရင်တော့ ခင်ဗျားရပြီးတဲ့အရာတွေကိုပဲ ရနေမှာပဲ´´

ကျွန်တော်အဆိုပြုနေသည့် စီမံကိန်း၏ အမည်လေးမှာ ‘အစိမ်းရောင် ဥပဒေ’ ဖြစ်သည်။ အနီရောင်သည် ၁၉၅၀ နှင့် ၁၉၆၀ ပြည့်နှစ်များတွင် အမေရိကအတွက် ကွန်မြူနစ်အန္တရာယ်၏ အမှတ်လက္ခဏာ။ အနီရောင်သည် ကျွန်တော်တို့တိုင်းပြည်ကို စစ်စွမ်းအားနှင့် စက်မှုစွမ်း အားတို့ တည်ဆောက်၊ အဝေးပြေးလမ်းမကြီးများ၊ ရထားလမ်းများ၊ ဆိပ်ကမ်းများ၊ လေဆိပ်များ၊ ပညာရေးအဖွဲ့အစည်းကြီးများနှင့် သိပ္ပံစွမ်းအားတို့ ထကြွအောင် လှုံ့ဆော်ပြီး ကမ္ဘာကို ရှေ့ဆောင်၊ လွတ်လပ်ြင်းကို ကာကွယ်ရာတွင် သုံးစွဲခဲ့သည့်အမှတ်လက္ခဏာဖြစ်သည်။ ယနေ့အမေရိကအတွက်မူ ကျွန်တော်တို့ လိုအပ်နေသည်မှာ `အစိမ်းရောင်´ ပါ။

အနီကို အစိမ်းနှင့် အစားထိုးရမည့်အစား စက်တင်ဘာ ၁၁ အပြီးတွင် သမ္မတ George. W. Bush သည် အနီရောင်ကို `အနီရောင်ဥပဒေ´ နှင့် လဲလှယ်ပစ်လိုက်သည်။ အမိမြေလုံခြုံရေးဝန်ကြီးဌာန၏ အန္တရာယ်အချက်ပေးစနစ်ရှိ အူကြောင်ကြောင်အရောင်များအားလုံးပါ တစ်ပါတည်း အကျုံးဝင်သည် ယခုအချိန်သည် ထိုအရောင်အားလုံးကို အမြစ်ဖြုတ် ရှင်းလင်းပြီး အစိမ်းရောင်ဥပဒေကို ပြောင်းလဲရမည့် အချိန်ဖြစ်သည်။

ကွန်မြူနစ်ဆန့်ကျင်ရေး ရှာဖွေအပြတ်ရှင်းလှုပ်ရှားမှုများသို့ ပြန်သွားရေး ကျွန်တော်တောင်းဆိုနေသည်မဟုတ်ပါ။ ယနေ့ခေတ်၏ အန္တရာယ်ကို ရင်ဆိုင်တွန်းလှန်နိုင်မည့် လူ့ဘောင်တစ်ခုတည်ဆောက်ရန်လိုအပ်သည့် စိတ်ဆန္ဒပြင်းပြင်းနှင့် သန္နဋ္ဌန်တို့ကို တောင်းဆိုနေခြင်း သာဖြစ်သည် အစိမ်းရောင်ဥပဒေသည် အမေရိ ကို သန့်ရှင်းသော စွမ်းအင်နှင့်စွမ်းအင်ကို အယိုအဖိတ်နည်းနည်းဖြင့် သုံးစွဲနိုင်မည့်စနစ် များ ဖော်ထုတ်ရေး၊ တီထွင်ဖန်တီးနိုင်စွမ်းတွင် ကမ္ဘာ့ရှေ့ဆောင်ဖြစ်ရေး နည်းဗျူဟာဖြစ်သည်။ အစိမ်းရောင်ဥပဒေသည် တစ်နေ့တခြား ထိခိုက်ယိုယွင်းလာသည့် သဘာဝလောကကို စောင့်ရှောက်ထိန်းသိမ်းရမည့်ဆိုသည့် အသိစိတ်ကိုယ်ကျင့်တရားဖြစ်သည်။ ယခုခေတ် သစ်တွင် ဖွံ့ဖြိုးတိုးတက်လိုလျှင် သန့်ရှင်းသောစွမ်းအင်ကဏ္ဍတွင် ခုန်ပျံကျော်လွှားတိုးတက်မှုကြီးများရရန်ရော၊ ကမ္ဘာ့တောအုပ်များ၊ သမုဒ္ဒရာများနှင့် သားငါးကျေးငှက်တိရစ္ဆာန်တို့ အဓိကခိုအောင်းရာ နေရာများကိုပါ လေးစားမြတ်နိုးစိတ်မွေးရန်ပါ လိုအပ်သည်။

ယခုစာအုပ်၏ ပထမပိုင်းသည် ကမ္ဘာကြီးရင်ဆိုင်နေရသည့် စွမ်းအင်၊ ရာသီဥတုနှင့် သားငါးကျေးငှက်တို့ဆိုင်ရာ စိန်ခေါ်မှုများကို ရောဂါရှာ ဖော်ထုတ်မည်။ ဒုတိယပိုင်းတွင် ထိုစိန်ခေါ်မှုများကို ကျွန်တော်တို့ ရင်ဆိုင်ဖြေရှင်းနိုင်မည့်နည်းလမ်းကို အဆိုပြုတင်ပြမည် ဖြစ်သည်။ ယနေ့အမေရိက လည်ပတ်နေပုံမျိုးနှင့်တော့ ထိုရည်မှန်းချက် အတွက် အသင့်ဖြစ်နေသည်ဆိုလျှင် ကျွန်တော်မလိမ်လျှင်တောင် ချဲ့ကားပြောနေသည်ပဲဖြစ်လိမ့်မည်။ ကျွန်တော်တို့ အသင့်မဖြစ်သေးပါ။ ရေရှည်တွင် အကျိုးကျေးဇူးကြီးကြီးမားမား ဖြစ်ထွန်းမည့်အရာတစ်ခုကို လုပ်ဆောင်ရန် ယခုလောလောလတ်လတ်တွင် ကျွန်တော်တို့တွင် ပြတ်ပြတ်သားသားအာရုံစူးစိုက်မှုနှင့် ဇွဲမရှိသေးပါ။ သို့သော် ကျွန်တော်ယုံကြည်ပါသည်။ ထိုအရာအားလုံးသည် မှန်ကန်သော ခေါင်းဆောင်မှု နှင့်အတူ ပြောင်းလဲသွားမည်ဟု။

လမ်းမှားပေါ်ရောက်နေမှန်း ကျွန်တော်တို့ အမေရိကန်များ ဆဋ္ဌမအာရုံဖြင့် အလိုလိုသိနေကြသည်။ ကျွန်တော်တို့လမ်းကြောင်းပြောင်းရတော့မည်မှန်း မြန်မြန်ဆန်ဆန်ပြောင်းရမည်မှန်းလည်း အလိုလို သိနေကြသည်။ လက်ရှိကျွန်တော်တို့၏ အခြေအနေကို စဉ်းစားနေချိန်တွင် ကြည့်ဖူးသည့် ကျားသစ်အမည်ရှိ ရုပ်ရှင်ကားက ကျွန်တော့်

အတွေးထဲဝင်လာသည်။ ဇာတ်လမ်းက ၁၉ ရာစု အီတလီနောက်ခံ၊ လူမှုရေး၊ စီးပွားရေးနှင့် နိုင်ငံရေးကသောင်းကနင်းဖြစ်နေချိန်။ အဓိကဇာတ်ကောင်က စစ်စလီကျွန်းမြို့စား မင်းသားတွန်ဖာဘရီဇီယို။ အောက်ခြေမှ လူမှုအင်အားစုများက အစဉ်အလာပါဝါအီလစ်များကို

စိန်ခေါ်လာသည့်ခေတ်သစ်တွင် ဆာလီနာအိမ်တော် House of Salina အဖို့ ခေါင်းဆောင်နေရာ ဆက်လက်ထိန်းသိမ်းထားလိုလျှင် အလိုက်သင့်အလျားသင့်ပြောင်းလဲမှ ဖြစ်မည်ဟု ဖာဘရီဇီယိုက နားလည်သည်။ သို့သော် ဆာလီနာမင်းသားကြီးကမူ တစ်ပြားသားမျှ လျှော့မပေးနိုင်၊ ခါးခါးသီးသီးငြင်းသည်။ ကျုပ်တို့က ကျားသစ်တွေ၊ ခြင်္သေ့တွေလေ၊ ကျုပ်တို့နေရာကိုယူမယ့်ကောင်တွေက ခွေးအတွေနဲ့ သိုးတွေပဲဖြစ်တော့မှာပေါ့´´

ထိုမင်းသားကြီးအတွက် အကောင်းဆုံးအကြံဉာဏ်က သူ့တူ တန်ခရတ်တီထံမှ လာသည်။ ရုတ်တရက် ချက်ချင်းဆိုသလို ငွေကြေးချမ်းသာလာသည့် လူလတ်တန်းစားအလွှာမှ ဆိုင်ပိုင်ရှင်တစ်ဦး၏ သမီးနှင့် လက်ထပ်ထားသည့် သူ့တူက ယခုလိုပြောသည်။

အရာရာ အရင်ကလိုပဲ ဆက်ရှိနေစေချင်ရင်တော့ တချို့အရာတွေကို ပြောင်းလဲပစ်ရမယ်´´

အမေရိကသည်လည်း ထိုအတိုင်းပင်ဖြစ်သည်။ ကျွန်တော်တို့ ယခုချဉ်းနင်းဝင်ရောက်စပြုနေသည့်ခေတ်သည် လူမှုရေး၊ နိုင်ငံရေးနှင့် စီးပွားရေး ဧရာမအပြောင်းအလဲကြီးများ ပြည့်နေသည့် ခေတ်တစ် ခေတ်ဖြစ်လာလိမ့်မည်။ ထိုအပြောင်းအလဲများကို အမိသဘာဝတရားကြီးနှင့် ကောင်းကင်က မောင်းနှင်သည်။ အရာရာကို လက်ရှိအနေအထားအတိုင်း ပိုနေမြဲကျားနေမြဲဆက်ရှိစေလိုလျှင် ဆိုလိုသည်မှာ နည်းပညာ၊ စီးပွားရေးနှင့် စာရိတ္တပိုင်းတို့တွင် ကျွန်တော်တို့၏ ခေါင်းဆောင်မှုကို ထိန်းသိမ်းထားလိုလျှင်၊ ကမ္ဘာမြေကို ကျားသစ်များ၊ ခြင်္သေ့များအပါအဝင် သစ်ပင်ပန်းမန် ကျေးငှက်သားရိုင်းတိရစ္ဆာန်တို့ ကြွယ်၀သည့် မှီတင်းနေထိုင်သောဂြိုဟ်အဖြစ် ထိန်းသိမ်းထားလိုလျှင်၊ ရေရှည်ခံနည်းလမ်းများဖြင့် ဖွံ့ဖြိုးတိုးတက်နိုင်မည့် လူ့အသိုက်အမြုံ များကို ထိန်းသိမ်းထားလိုလျှင် ကျွန်တော်တို့ အနီးအနားရှိ အရာများ ပြောင်းလဲရမည်။ မြန်မြန်ဆန်ဆန်ပြောင်းလဲရမည်။

ဘုန်းဝေညွန့်လူ

The Voice Weekly Newspaper, Vol.5/No.10 –December, 2008

Advertisements

Leave a comment

Filed under Book, Globalization, Translation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s