အင်တာနက်မျိုးဆက်၊ Blogging, လွတ်လပ်စွာ ရေးသားခွင့်နှင့် နိုင်ငံရေး

latt11

ခက်ထန်

ဘလော့ဂ်ဂါတစ်ဦးအဖြစ် လူသိများသော နေဘုန်းလတ်ကို ထောင်ဒဏ်နှစ်ရှည် ချမှတ်လိုက်ခြင်းသည် နအဖနှင့် ပြည်တွင်းပြည်ပ အခြေစိုက်၊ နာမည်ခံ နာမည်မခံ ဘလော်ဂါတို့ ရှိရင်းစွဲ အခြေအနေအရ ပိုပြီးထိပ်တိုက်တွေ့ဖို့ရာ အကြောင်းဖန်လာခြင်း ဖြစ်သည်ဟု သုံးသပ်မိသည်။

နိုင်ငံရေးနှင့် ပတ်သက်လျှင် ပြည်ပတွင် ရောက်ရှိခိုလှုံသူများမှအပ မည်သူမျှ ဘလော့ဂ်ကို နာမည်ထင်ရှားဖော်ပြခြင်း၊ Identity ပြခြင်း မရှိကြပါ။ အဘယ်ကြောင့်ဆိုသော် ထိုကဲ့သို့ နိုင်ငံရေးအမြင်ကို ဘလာ့ဂ်ပေါ်တွင် ပွင့်လင်းစွာ ဖော်ပြခြင်း၊ နအဖလက်အောက်၌ နေ့စဉ်ခံစားနေရသော လူမှုဒုက္ခများကို ထောက်ပြ ဝေဖန်ခြင်းကို နာမည်မခံဘဲ ရေးသားကြသူများမှာ ပြည်တွင်းပြည်ပမှ လူငယ်ပိုင်း ကျောင်းသားများ၊ အလုပ်တပိုင်းနှင့် အင်တာနက်ကို ကျွမ်းဝင်သူများ ဖြစ်ကြပါသည်။

နေဘုန်းလတ်ကို ထောင်ဒဏ်မတန်တဆ ချပစ်ခြင်းသည် နောက်ကွယ်နိုင်ငံရေး အဖွဲ့အစည်းနှင့် ပတ်သက်မှုရှိသည်ဖြစ်စေ၊ မရှိသည်ဖြစ်စေ ပေါ်ပြူလာအမြင်အားဖြင့် လွတ်လပ်စွာ တွေးခေါ် မျှော်မြင်သော၊ အတိုက်အခံ သဘောထားရှိသော ဘလောဂ့်ဂါများကို အကြီးအကျယ် နမူနာပြမှုတစ်ရပ်၊ ခြိမ်းခြောက်မှုတစ်ရပ်အဖြစ် သိသာစေပါသည်။


နအဖ၏ ပထမ ဘလော်ဂါ စစ်ဆင်ရေး

နအဖ၏ ပထမဘလော်ဂါစစ်ဆင်ရေးအဖြစ် ၂၀၀၇ ခုနှစ်မှစ၍ အထူးရွေးချယ်ထားသော အစိုးရဝန်ထမ်းများကို အပတ်စဉ်အလိုက် ဘလော့ဂ်သင်တန်းပေး၍ အနည်းဆုံးအားဖြင့် သက်ဆိုင်ရာ ဌာန၏ Image ကို မြှင့်တင်စေခြင်း ဖြစ်ပါသည်။ သင်တန်းပေးသူမှာ မြန်မာ Blog လောကတွင် Pioneer ဟု လူသိများသော လူငယ်တစ်ဦးလည်း ပါဝင်ခဲ့ရာ၊ ၎င်းနှင့် ဆက်စပ်သော စီးပွားရေးလုပ်ငန်းများနှင့် ဆက်စပ်၍ အစိုးရကို နည်းပညာ ကျောထောက်နောက်ခံပေးနေသော Crony များကို ဖော်ထုတ်ရန် လမ်းကြောင်းရနိုင်ပေသည်။ သို့သော် လေ့ကျင့်ပေးထားသော ဝန်ထမ်းများသည် မထိရောက်သော ပို့စ်အနည်းငယ်ကို တင်သည်မှအပ ပျောက်ကွယ်သွားကြသည်သာ များပါသည်။ Ideology ရိုက်မသွင်းနိုင်ခြင်း၊ အင်တာနက်သုံးစွဲရန် မဖန်တီးပေးနိုင်ခြင်းတို့က အဓိက အကြောင်းရင်းများ ဖြစ်ကြသည်။

ယင်းသင်တန်းဆင်းထဲမှာ ကိုယ်ရေးကိုယ်တာ ဘလော့ဂ် အဖြစ် ပြောင်းလဲသွားသူများ၊ ဟာသဘလော့ဂ်အဖြစ် ယနေ့တိုင် ရပ်တည်ကျန်ရစ်သူများ ရှိသော်လည်း နအဖ အာဘော်ကို ထုတ်ဖော် ထင်ဟပ်နိုင်ခြင်းကား မရှိပေ။ ဘလော့ဂ်ဂါ အတော်များများက သူတို့နှင့် ဆက်ဆံနေကြသည့်တိုင် နအဖဘလော်ဂါများဟု မသိရှိကြသည်ကိုလည်း လေ့လာတွေ့ရှိရသည်။

ဒုတိယ ဘလော်ဂါစစ်ဆင်ရေး

ယင်းတို့အထဲတွင် မီဒီယာစီးပွားရေးသမားအချို့ ကျောထောက်နောက်ခံ ပေးသည်ဆိုသော ဘလော့ဂ်အချို့(သာဂီနွယ်၊ ပိတောက်မြေ) တို့သာ ဆက်လက် ရပ်တည်နိုင်ကြသည်ကို တွေ့ရသည်။

ယင်းတို့ကို အရှိန်အဟုန်မြှင့်၍ Dot Com များဖြင့် လှုပ်ရှားလာရာ ပြည်ပ အခြေစိုက် မီဒီယာများကိုပင် ယှဉ်ပြိုင် ချေဖျက်၊ အင်ဖော်မေးရှင်း ထင်ယောင်ထင်မှားများ ထိုးသွင်းလာသည်ကို တွေ့ရသည်။

ထိုနအဖဘက်မှ နိုင်ငံရေးဘလော့ဂ်များသည် အလံရှုးများဖြင့် ဘလော့ဂ်ပွဲဆူအောင် လုပ်ခဲ့ပြီး နိုင်ငံရေး အာရုံညွှတ်သော ဘလောဂ့်ဂါ လက်သစ်များကိုပင် သွေးဆောင်လာနိုင်သည်ကို တွေ့ရှိနေရသည်။

တချိန်တည်းတွင်ပင် ပြည်ပအခြေစိုက် မီဒီယာများက ဘလော့ဂ်သက်သက်ဟု သဘောထား၍ ထိုနအဖ ဘလော်ဂါများကို ဂရုမပြုသည့် သဘောမျိုးထားကြောင်း တွေ့နေရရာ လူငယ်မျိုးဆက်များအကြား ဒွိဟများပေါ်ပေါက်စေရန် အားပေးမှုသဖွယ် တွေ့နေရသည်။ ဥပမာ နအဖအာဘော်ဘလော့ဂ်များက မျှတစွာ ပြောဆိုနေသယောင်၊ အခြားပြည်ပမီဒီယာနှင့် အတိုက်အခံဘလော့ဂ်များက အစွန်းရောက်၊ တဖက်သတ်ဆန်နေသယောင် ဖန်တီးတင်ပြမှုများဖြစ်သည်။ ပြည်ပ မီဒီယာများအနေဖြင့် ယခုအခါ အွန်လိုင်းမီဒီယာသဖွယ် ဖြေလှမ်းစနေပြီဖြစ်သော နအဖ ဘလော်ဂါများကို ပစ်မှတ်တစ်ခုထား ချေမှုန်းပြောဆိုရန် အချိန်ဖြစ်သည်ဟု နိုင်ငံရေးဘလော်ဂါ ကျောင်းသားတစ်ဦးက မှတ်ချက်ပေးပါသည်။

အနာဂတ် ဘလော့ဂ်လောက

နမူနာခြိမ်းခြောက်မှုအဖြစ် နေဘုန်းလတ်ကို နှစ်ရှည် ထောင်ဒဏ်ပေးလိုက်ခြင်းအားဖြင့် အနာဂတ်နိုင်ငံရေး ဘလော့ဂ်လောကတွင် မည်သည့်သက်ရောက်မှုများ ဖြစ်သွားနိုင်သနည်း။

စစ်အစိုးရ၏ ကသောင်းကနင်းများကို မထိတထိရေးလေ့ရှိသူ ပြည်တွင်းဘလော်ဂါတစ်ဦးက နေဘုန်းလတ်ကိစ္စကြောင့် တွန့်ဆုတ်ရန်မရှိကြောင်း၊ ရေးနေကျအတိုင်း ဆက်ရေးမည်ဖြစ်ကြောင်း ပြတ်ပြတ်ပင် ပြောပါသည်။

နိုင်ငံတကာ သုံးသပ်ချက်များ ရေးလေ့ရှိသူ နာမည်ရ ပြည်တွင်းဘလော်ဂါတစ်ဦးကမူ စစ်အစိုးရလုပ်ရပ်ရပ်ကြောင့် ဘလော်ဂါများ တွန့်ဆုတ်သွားမည် မထင်ကြောင်း၊ ခြောက်သည့် လုပ်ရပ်ဖြစ်၍ ကြောက်သူကလည်း ကြောက်သွားနိုင်ကြောင်း၊ သို့သော် ပို၍ တွန်းအားဖြစ်လာပြီး စစ်အစိုးရကို မုန်းတီလာဖို့ ရှိကြောင်း သုံးသပ်ပါသည်။

ပြည်ပတွင် ပညာသင်ကြားနေသည့် နာမည်ရလာသော ဘလော်ဂါလက်သစ် မိန်းကလေးတစ်ဦးကမူ ဘလော်ဂါများ တွန့်ဆုတ်သွားမည် မထင်ကြောင်း၊ ဖြစ်လာနိုင်သည်မှာ မတရားမှုကို ခံပြင်းသောကြောင့် ယခင်ဘလော့ဂ်မရေးသူတွေပင် ရေးလာနိုင်ကြောင်း မှတ်ချက်ပေးပါသည်။

မည်သို့ဆိုစေ ပြည်တွင်း ပြည်ပမှ အင်တာနက်လူငယ်မျိုးဆက်များက မကြောက်မရွံ ဘလော့ဂ် ပလက်ဖောင်းမှတဆင့် လွတ်လပ်စွာ ထုတ်ဖော်ပြောဆိုခြင်း၊ အင်ဖော်မေးရှင်း ဝေမျှခြင်းတို့ဖြင့် စစ်အစိုးရကို ဆက်လက် အာခံနေဦးမည်ဆိုသည်မှာ အသေအချာဖြစ်ပါကြောင်း။

ခက်ထန်

(ကန္တာရဝတီတိုင်း(မ်)တွင် ဖော်ပြပြီး။ Click Here )

Advertisements

Leave a comment

Filed under Blogging, Politics

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s