Solution

အဖြေရှာခြင်း

mm thinker

ချိန်သင့် အခါသင့်ဖြစ်သော အိုင်ဒီယာလောက် အားကောင်းသောအရာမရှိပေ။

ဗစ်တာဟူးဂိုး

အမြစ်မှလှန်၍ တိုက်ခိုက်နေ သူအဖို့ မကောင်းဆိုးဝါး၏လက်တံ ပေါင်းများစွာကို အကြိမ်ထောင်ပေါင်းများစွာ ခုတ်ထစ်ပစ်ရဖို့ရှိပေသည်ဟု ဟင်နရီဒေးဗစ်သော်ရိုးက Walden အမည်ရှိ စာအုပ်တွင် ရေးဖူးသည်။ ကျွန်ုပ်တို့ ရင်ဆိုင်နေရသော ပြဿနာများ၏ အမြစ်လက်တံပေါင်းများစွာကို ဆိုလိုခြင်းဖြစ်သည်။

mules-solution.jpg


အဋ္ဌမမြောက်အလေ့အထ အစပိုင်းတွင်
နာကျင်ခက်ခဲမှုများအကြောင်း ဆွေးနွေးခဲ့ပြီး ပြဿနာကို တူးဆွကြည့် ခဲ့ကြပြီးဖြစ်သည်။ ကိုယ်ရေးကိုယ်တာ ပြဿနာအမြစ်တွယ်မှုများ နက်ရှိုင်းစွာ စူးဝင်နေသော ပါရာဒိုင်းနှင့် အရိုးစွဲနေသောလုပ်ငန်းခွင် အစဉ်အလာများကို ဖော်ထုတ်ခဲ့ပြီးဖြစ်သည်။ ယခုဆက်၍ ဖြေရှင်းရေးနည်းလမ်းအကြောင်း ဆက်လက် ဆွေးနွေးတင်ပြသွားပါမည်။ ဤသို့ ဆွေးနွေးရာတွင် အနှစ်လေးဆယ်ကျော် အဖွဲ့အစည်း၊ လုပ်ငန်းများအတွင်း လုပ်ကိုင်ရင်း သောတုဇနတစ်ဦးကဲ့သို့ လေ့လာခဲ့သော စတီဖင်ကိုဗေး၏ တွေ့ရှိချက်များအပေါ် အခြေခံပါသည်။

ရေရှည်ဖွံ့ဖြိုးမှု၊ စွမ်းဆောင်နိုင်မှုကို ထိန်းသိမ်းထားနိုင်သော အဖွဲ့အစည်းများအတွင်း ကြီးမားသော Cultural Shift များသည် အရေးပါသော ပုဂ္ဂိုလ်တစ်ဦးတစ်ယောက်၏ ရွေးချယ်မှုကြောင့် အစပျိုးလာတတ်သည်။ ထိုပုဂ္ဂိုလ်တစ်ဦးတစ်ယောက်ဆိုသည်မှာ အမှုဆောင်အရာရှိချုပ် (CEO) သို့မဟုတ် ဥက္ကဋ္ဌ တစ်ဦးဦးဖြစ်နိုင်သည်။ မကြာခဏ ဆိုသလို ကျွမ်းကျင်ပညာရှင်၊ မန်နေဂျာ၊ လက်ထောက်တစ်ဦးဦးကြောင့်လည်း ဖြစ်နိုင်သည်။ရာထူးဌာနန္တရက များစွာအရေးမကြီးဘဲ ထိုသူများသည် ဦးစွာပထမ ကိုယ့်ကိုယ်ကိုယ် အစအဆုံး ပြောင်းလဲပစ်ရန်လိုသည်။ အကျင့်စရိုက်၊ ကျွမ်းကျင်လိမ္မာမှု၊ အစွမ်းအစ၊ အပြု သဘောဆောင်သော အားထုတ်မှု စသည်ဖြင့် မြှင့်တင်ရန်လိုပြီး အခြား သူများကိုလည်း ပြောင်းလဲလာအောင် ဆောင်ရွက်ရပေမည်။

င်းတို့သည် ခွဲခြားနိုင်စွမ်း၊ အစွမ်းအစနှင့် ပါရမီကို ဖော်ထုတ်နိုင်စွမ်းနှင့် ဤအားသာချက်များကို သုံး၍ လိုအပ်ချက်ကို ဖြည့်ဆည်း၊ အဖြေရှာ နိုင်ကြသည်။ ကိုယ့်တာဝန်ကိုယ်ယူရဲလာကြသည်။ တာဝန်ယူနိုင်မှုကို

တိုးချဲ့လုပ်ကိုင်ပြီး ရလဒ်ကိုလည်း များများ ထုတ်ပေးလာနိုင်သည်။ ထိုအခါ နောက်လိုက်အများစုက နိုးကြားပြီး သတိပြုမိလာသည်။ ထိပ်တန်းမှ ဦးဆောင်သူများသည် အလုပ်များစွာကို ပြီးမြောက်အောင် ဆောင်ရွက်နိုင်သော ၄င်းတို့၏ အိုင်ဒီယာမျိုးကို လေ့လာအတု ယူစေလိုကြသည်။ ဤသို့ဖြင့် အလေ့ အထပြောင်းလဲမှုသည် ဦးဆောင်ဦးရွက် လုပ်ဆောင်သူထံမှ အခြားသူများထံ ကူးစက်သွားသည်။

သို့သော် အများစုသည် ဤသို့ ခံယူခြင်းမရှိ၊ ကူးစက်လိုက်နာစေခြင်း မျိုးမရှိဘဲ အပြုသဘောဖြင့်မမြင်ခြင်း၊ ဇွတ်အတင်းလိုက်နာစေခြင်းမျိုး အဖွဲ့ အစည်းလုပ်ငန်းများတွင် တွေ့ရသည်။ ထိုအခါမျိုးတွင် ယင်းတို့ကျင့်ကြံသော အဖွဲ့အစည်းမျိုးသည် အခြားအဖွဲ့ အစည်းများနှင့် ထူးမခြားနားသာဖြစ် သည်။ အချို့ကလည်း ၄င်းတို့ အကြီး အကဲ သို့မဟုတ် အဖွဲ့အစည်း၏ ပြောင်းလဲမှုကို သည်းခံစောင့်စည်းနိုင်စွမ်း မရှိကြပေ။ ဤလိုလူများမှာ သူလိုငါလို ထဲတွင် အနည်းစုသာဖြစ်သည်။

လူတစ်ယောက်အနေဖြင့်လက်ရှိ အခြေအနေကို ကျော်လွှားနိုင်ရေး အဇ္ဈတ္တ ခွန်အားရရှိရန် အပြုသဘောမဆောင်ခြင်း၊ အတ္တရှေ့တန်းတင်ခြင်းများနှင့် ရင်ဆိုင်ရသောအခါ ခံနိုင်ရည်ရှိရန် မိမိ၏သဘောထားအမှန်နှင့် အစွမ်းအစကို သိထားဖို့လိုပါသည်။ ဤအချက်များကိုသိမှ ဖွံ့ဖြိုးအောင်လုပ်ဆောင်နိုင်ပြီး အလိုရှိရာကို ပြီးမြောက်အောင် ဆောင်ရွက်နိုင်ပါမည်။ ဥာဏ်ပညာဖြင့် အစတည်ပြီး တကယ့်လိုအပ်ချက်ကို နားလည်နိုင်စွမ်းဖွံ့ဖြိုးစေကာ အခွင့်အလမ်းများကို ဆုပ်ကိုင်မိစေပါသည်။ မဖြစ်မနေ လုပ်ဆောင်ရမည့် လိုအပ်ချက်နှင့် ကိုယ့်အစွမ်းအစတို့အပေါက် အလမ်းတည့်သွားသောအခါ သူမတူသော ဆောင်ရွက်နိုင်မှုက သူများနှင့်တစ်မူကွဲ ထွက်စေနိုင်ပါသည်။ အချုပ်အားဖြင့် မိမိ၏ အရင်းခံစေ့ဆော်မှုကို တွေ့ရှိခြင်းနှင့် ယင်းကိုအသုံးချနိုင်ခြင်းဟု ဆိုနိုင်ပါသည်။ အခြားသူများကိုလည်း ဤသို့ တွေ့ရှိအသုံးချနိုင်အောင်ပြု လုပ်နိုင်ပါသေးသည်။

ကိုယ်၊ စိတ်၊ ဟဒယ၊ ဥာဏ ဟူသော အမြင့်ဆုံးနှင့် အကောင်းဆုံး လူသားသဘောဆောင် အဓိကရအချက် များကို ဖွံ့ဖြိုးတိုးပွားစေပြီး အသုံးချ နိုင်ခြင်းပင် ဖြစ်သည်။ ဤမူအတိုင်း ပင် အခြားသူများအပေါ် သြဇာသက် ရောက်စေခြင်းဖြင့် ထိုသူတို့၏ အရင်းခံ စေ့ဆော်မှုကို တွေ့ရှိအောင် အထောက် အကူ ပေးနိုင်ပါသည်။

အပိုင်းနှစ်ပိုင်းပါသော အဖြေရှာမှုတွင် မိမိ၏အရင်းခံစေ့ဆော်မှုကို ရှာဖွေခြင်းနှင့် အခြားသူများကိုလည်း ရှာဖွေတွေ့ရှိရန် အားပေးခြင်းဟူ၍ နှစ်မျိုးရှိပြီး အဖွဲ့အစည်းတစ်ခု၏ မည်သည့်အဆင့်၌မဆို တစ်ဦးစီအတွက် လမ်းပြမြေပုံဖြစ်ပါသည်။ ဤသို့အားဖြင့် အဖွဲ့အစည်းလုပ်ငန်းတွင် အစားထိုး၍မရသော ပါဝင်ဆောင်ရွက်လုပ် ကိုင်သူတစ်ဦးဖြစ်လာနိုင်ပြီး မိမိ၏လုပ်ဖော်ကိုင်ဖက် အဖွဲ့အစည်းကိုပါ ဦးဆောင်မှုပေးသူဖြစ်လာနိုင်ပါသည်။

mm thinker

(ဆက်လက်ဖော်ပြပါမည်)

The 8th Habit by Stephen R.Covey

[အပိုင်း (၁၁)

အဋ္ဌမမြောက်အလေ့အထ

(စွမ်းရည်မြင့်မားခြင်းမှ ကြီးကျယ်ပြောင်မြောက်ခြင်းသို့)

အခန်း (၃)]

Advertisements

Leave a comment

Filed under Management, Perspective

Comments are closed.